بايتەرەكتى اينالا قولا ءمۇسىندى 14 قىز بيلەپ تۇر - كەسكىن
14:22, 18 - قازان 2017
وسكەمەن. قازاقپارات - وسكەمەندەگى بايتەرەك مونۋمەنتىنىڭ اينالاسىنا تىزىلە ورنالاسقان ۇلتتىق كيىمدەگى ءبيشى قىزداردىڭ تاڭعاجايىپ قولا مۇسىندەرى قالانىڭ كوركىن ەرەكشە اجارلاندىرىپ جىبەردى، دەپ حابارلايدى «قازاقپارات» ح ا ا ءتىلشىسى.
بۇل ساۋلەت تۋىندىلارى ەرتىس كوپىرى ماڭىنداعى الاڭعا ەرەكشە ءسان بەرەدى. ءاربىر ءمۇسىننىڭ بيىكتىگى 3,5 مەتر، ولاردىڭ جالپى سانى - 14.
«قىز جىبەك» وپەراسىندا ورىندالاتىن «ايجان قىز» بيىنە بيلەپ تۇرعان «قولا قىزدار» بايتەرەك مونۋمەنتىنىڭ توڭىرەگىندەگى كومپوزيتسيالارمەن ۇندەسىپ تۇر.
ولارعا قاراپ قازاق قىزىنا عانا ءتان سۇلۋلىق پەن بيازىلىقتى، جان كوركەمدىگىن اڭعارۋعا بولادى.