2. باس قالاداعى بەيبىتشىلىك جانە كەلىسىم سارايىنىڭ اۆتورى - ايگىلى ساۋلەتشى نورمان فوستەر. ول بۇعان دەيىن لوندونداعى «Millennium Bridge» كوپىرىن، پەكيندەگى عالامات اۋەجايدى سالعان.
3. استانا - الەمدەگى ۇلان- باتىردان كەيىنگى سۋىق استانا بولىپ سانالادى. استانا ءتىپتى كانادانىڭ استاناسى وتتاۆادان دا سۋىق.
4. «دۋمان» ويىن-ساۋىق ورتالىعىنىڭ مۇحيتارالى - ت م د- دا اشىلعان بىردەن- ءبىر نىسان. بۇل - الەمدەگى كوك مۇحيتتان 3000 شاقىرىمنان استام قاشىقتىقتا ورنالاسقان جالعىز مۇحيتارال. «دۋمانداعى» سۋ قورى 3 ميلليون ليتردى قۇرايدى. ونى دايىنداۋ ءۇشىن 120 توننا تەڭىز تۇزى پايدالانىلعان. مۇندا قازىر الەمنىڭ ءار تۇكپىرىنەن اكەلىنگەن 2000 عا جۋىق تەڭىز جاندىكتەرى بار.
5. 2003 -جىلى «Moody's Investors Service» الەمدىك رەيتينگ اگەنتتىگى استانانى الەمنىڭ ەڭ ۇزدىك 30 قالاسىنىڭ تىزىمىنە قوستى.
6. «حانشاتىر» ويىن- ساۋىق ورتالىعى شاتىر فورماسىنداعى ەڭ ۇلكەن عيمارات رەتىندە گيننەستىڭ رەكوردتار كىتابىنا كىرگەن. ونىڭ بيىكتىگى - 150 مەتر.
7. «ازىرەت سۇلتان» مەشىتى - ورتا ازياداعى ەڭ ۇلكەن مەشىتتەردىڭ ءبىرى. ونىڭ اۋماعى 11 گەكتار، ال ىشىنە 10 مىڭ ادام سىيادى.
8. ەلورداداعى ۇلتتىق اكادەميالىق كىتاپحانادا 2,5 ميلليوننان استام كىتاپ بار.
9. قازاقستانداعى ەڭ ۇلكەن تۋ استانادا ورنالاسقان. ونىڭ كولەمى - 15X30 مەتر. تۋ 111 مەترلىك بيىكتىكتە تۇرعاندىقتان، قالانىڭ كەز كەلگەن جەرىنەن كوزگە ىلىنەدى.
10. شىمكەنت زووباعىندا استانا اتتى كەرىك بار. مۇنداي ەرەكشە ات جانۋارعا استانا كۇنى قارساڭىندا تۋعاندىقتان بەرىلگەن ەكەن.
11. ەلوردالىقتاردىڭ ورتاشا جاسى - 30 جاس. بۇل قالادا جاستار كوپ.
12. قۇراننىڭ ەجەلگى قولجازباسىنىڭ كوشىرمەسى باس قالاداعى ازىرەت سۇلتان مەشىتىندە ساقتاۋلى تۇر. بۇل ەجەلگى يسلام قولجازباسى (VIII عاسىر) رەسەيدە تازا كۇمىستەن دايىندالعان ەكەن.
13. استاناداعى ەڭ قىسقا كوشە - ءبىرجان سال كوشەسى (بۇرىنعى اتاۋى - ۆوكزالنايا). ونىڭ ۇزىندىعى - 358, 7 مەتر
14. ەلورداداعى ۇزىننان- ۇزاق سوزىلىپ جاتقان عيمارات - مينيسترلىكتەر ءۇيى. ونىڭ ۇزىندىعى 2 شاقىرىمعا دەيىن جەتەدى.