قوزىكورپەش جاڭبىرشينمەن قوشتاسۋ ءراسىمى 14- اقپاندا وتەدى
08:19, 13 - اقپان 2017
استانا. قازاقپارات - الداعى سەيسەنبى، اقپاننىڭ 14 ءى كۇنى، استانادا ق ر رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى قوزىكورپەش جاڭبىرشينمەن قوشتاسۋ ءراسىمى وتەدى، دەپ حابارلايدى قازاقپارات ءتىلشىسى.
«قوشتاسۋ ءراسىمى سەيسەنبى كۇنى شامامەن 09:30 دا استاناداعى گوركي اتىنداعى ورىس دراما تەاترىندا وتەدى»، - دەدى پارلامەنت ءماجىلىسىنىڭ دەپۋتاتى ومارحان وكسىكبايەۆ قازاقپارات تىلشىسىنە بەرگەن سۇحباتىندا. ونىڭ سوزىنە قاراعاندا، قوزىكورپەش جاڭبىرشيندى پانتەوندا جەرلەيدى.
ايتا كەتەيىك، كەشە تۇندە 57 جاسقا قاراعان شاعىندا ق ر رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ باسشىسى قوزىكورپەش جاڭبىرشين ومىردەن وزدى.
اۆتور: ارمان اسقاروۆ