«قازاقستاننىڭ وزبەكستانداعى ەلشىسى ەرىك وتەمبايەۆ وزبەكستان پرەزيدەنتى شاۆحات ميرزيەيەۆتىڭ ۇلىقتاۋ راسىمىنە شاقىرىلدى»، دەپ حابارلادى ق ر س ءى م.
ەلشىلىكتەر باسشىلارى، حالىقارالىق ۇيىمدار وكىلدەرى، وزبەك شەنەۋنىكتەرى شاۆكات ميرزيەيەۆتىڭ وزبەك حالقىنا ادالدىعىنا انت بەرۋ راسىمىنە شاقىرىلدى. شارا جەرگىلىكتى ۋاقىت بويىنشا ساعات 11-دە وتەدى.
ەسكە سالساق، وزبەكستان پرەزيدەنتىنىڭ سايلاۋى 4 - جەلتوقساندا ءوتتى. شاۆكات ميرزيەيەۆ سايلاۋدا 88,61 پايىز جيناپ، جەڭىسكە جەتتى. سايلاۋ بارىسىن 44 ەلدەن 500-دەن استام حالىقارالىق باقىلاۋشى باقىلادى، ونىڭ ىشىندە حالىقارالىق ۇيىمدار - ت م د، ە ق ى ۇ، ش ى ۇ، يسلام ىنتىماقتاستىق ۇيىمى، دۇنيەجۇزىلىك سايلاۋ ورگاندارى ۇيىمى وكىلدەرى بار.
قازاقستاندىق ساياساتكەر دوسىم ساتبايەۆتىڭ ايتۋىنشا، شاۆكات ميرزيەيەۆ بيلىك مۇراگەرلىگىن جۇزەگە اسىرادى. بۇل رەتتە، وزبەك سىرتقى ساياسات تۇجىرىمداماسىندا اكسەنت ورتالىق ازياعا جاسالادى. قازىر پرەزيدەنتتىڭ ءبىرىنشى كەزەكتە كورشىلەرى قازاقستان، قىرعىزستان، تاجىكستانمەن قاتىناستى رەتتەۋگە تىرىسىپ جاتقانىن بايقايمىز. بۇل وڭ اسەر بەرەدى.