ماڭعىستاۋ وبلىسىندا «نۇرلى جول» باعدارلاماسى اياسىندا 14 جوبا جۇزەگە اسۋدا
بۇگىن ورتالىق كوممۋنيكاتسيالار قىزمەتىندە وتكەن بريفينگتە ماڭعىستاۋ وبلىسىنىڭ اكىمى اليك ايداربايەۆ وسىلاي ءمالىم ەتتى.
وبلىس باسشىسىنىڭ سوزىنە قاراعاندا، «نۇرلى جول» باعدارلاماسى اياسىندا جۇزەگە اسىپ جاتقان 14 جوبا 159 ميلليارد تەڭگەنى قۇرايدى. وندا شامامەن 4 مىڭعا تارتا جاڭا جۇمىس ورىندارى قۇرىلاتىنى كۇتىلەدى. سونىمەن قاتار، وبلىس اكىمى يندۋستريالىق- يننوۆاتسيالىق دامۋدىڭ ەكىنشى بەسجىلدىعىنا دا زور ءۇمىت ارتىلاتىنىن اتاپ ءوتتى.
«2015-جىلى يندۋستريالاندىرۋ كارتاسى اياسىندا جالپى سوماسى 50,5 ميلليارد تەڭگەنى قۇرايدى 11 يندۋستريالىق جانە ينفراقۇرىلىمدىق نىسان قولدانىسقا ەندى. وسىنىڭ ارقاسىندا 655 جاڭا جۇمىس ورىندارى قۇرىلدى. تابىستى اتقارىلعان جوبالار رەتىندە «ازەرسۋن» ازىق-تۇلىكتىك لوگيستيكالىق ورتالىقتى، «سوفي مەدگرۋپپ» كوپبەيىندى كلينيكانى، اقتاۋ تەڭىزىنىڭ سولتۇستىك تەرمينالىن ايتۋعا بولادى»، - دەدى ءوڭىر باسشىسى.
اۆتور: قانات مامەتقازى ۇلى