كەتي فريمەننىڭ وليمپيادا الاۋىن تۇتاتقاندا كيگەن كيمى 14 جىلدان سوڭ تابىلدى
09:49, 28 - جەلتوقسان 2014
استانا. قازاقپارات - اۆستراليالىق جەڭىل اتلەتشى قىز كەتي فريمەننىڭ 2000 - جىلى سيدنەيدەگى وليمپيادا الاۋىن تۇتاتقاندا ۇستىنە كيگەن اق كومبينەزونى تابىلدى.
شارا اياقتالعان سوڭ بىردەن كيىم اۋىستىراتىن جەردەن جوعالىپ كەتكەن بۇل كوستيۋمدى قۇپيا قالۋدى ءجون ساناعان بەلگىسىز بىرەۋ مەلبۋرندەگى سپورت مۇراجايىنا جىبەرگەن. ونىڭ راستىعىن انىقتاۋ ءۇشىن ەندى كيىمگە دنك ساراپتاماسى جۇرگىزىلمەك.
«ءبىز بۇل كوستيۋم قايتا تابىلادى دەپ ويلاعان جوقپىز. سوندىقتان ونى سانتا- كلاۋستىڭ روجدەستۆوعا ءبىزدىڭ وليمپيادالىق قوزعالىسىمىزعا جاساعان سىيلىعى دەپ سانايمىز»، - دەيدى مۇراجاي قىزمەتكەرلەرى.
اۆستراليالىق كەتي فريمەن سول 2000 - جىلى وتكەن ويىنداردا ءوز قۇراماسىنىڭ سيمۆولىنا اينالعان ەدى. ول وسى سايىستا 400 مەترلىك قاشىقتىققا جۇگىرۋدەن «التىن» جۇلدەنى جەڭىپ الدى، دەپ حابارلادى euronews.