قالالىق پوليتسيا ءبولىمىنىڭ باسپا ءسوز قىزمەتى حابارلاعانداي، نۇر-سۇلتان قالاسىندا كارانتين باستالعالى 3347 ازامات جاۋاپقا تارتىلىپ، ونىڭ 226 سى قاماۋعا الىنعان. سونداي-اق 2348 ادامعا ايىپپۇل سالىنىپ، 699 قۇقىق بۇزۋشىعا ەسكەرتۋ جاسالدى. 74 ءىس سوتتا قارالۋدا. اكىمدىكتىڭ ايىپ تۇراعىنا 1160 كولىك قويىلدى.
«شەكتەۋ مەن ەسكەرتۋگە قاراماستان بلوكپوستتارعا توقتاماي، كارانتين ايماعىن كەسىپ ءوتۋ ءجيى تىركەلۋدە. بۇگىندە 143 ادام قاماۋعا الىنىپ، 44 ادامعا ايىپپۇل سالىندى. 24 ماتەريال سوت قاراۋىنا جىبەرىلدى»، - دەيدى باسپا ءسوز قىزمەتى.
«قابىلدانعان شارالارعا تۇسىنىستىكپەن قاراپ، پوليتسيانىڭ زاڭدى تالاپتارىن ورىنداڭىز جانە ولارعا ينفەكتسيانىڭ الدىن الۋعا كومەكتەسىڭىز. بۇل شارالاردىڭ بارلىعى ءسىزدىڭ جانە جاقىندارىڭىزدىڭ دەنساۋلىعى ءۇشىن جاسالدى»، - دەلىنگەن حابارلامادا.