الماتى قالاسى كوشى-قون قىزمەتىنىڭ مالىمەتتەرى بويىنشا، 2020 -جىلى 731 قانداس قازاقستان رەسپۋبليكاسىنىڭ ازاماتتىعىن الدى. بيىلعى جىلدىڭ ەكى ايىندا 142 ادامعا ازاماتتىق بەرىلدى.
«بۇل نەگىزىنەن قىتاي مەن وزبەكستاننان كەلگەندەر. بۇل جەردە ازاماتتىق الۋدىڭ وڭايلاتىلعان ءتۇرى رەسپۋبليكادا اعىمداعى جىلدىڭ 1-قاڭتارىنان باستاپ جۇمىس ىستەپ كەلە جاتقانىن اتاپ ءوتۋ ماڭىزدى. ەندى قانداس ءبىر ۋاقىتتا قۇجاتتاردى جانە سايكەسىنشە تۇرۋعا ىقتيارحات الۋ ءۇشىن دە، قازاقستان رەسپۋبليكاسىنىڭ ازاماتتىعىن الۋعا دا ءوتىنىشتى بەرە الادى. ورتاشا العاندا، قاراستىرۋ مەرزىمى شامامەن ءۇش ايعا سوزىلادى، - دەدى الماتى قالالىق پ د كوشى- قون قىزمەتى باسقارماسىنىڭ باستىعى اسحات بۋتۋنچينوۆ. بۇل مۇمكىندىكتى قىتايدان كەلگەن 21 جاستاعى ەرسىن اقيقات پەن 30 جاستاعى اراي سىدىق پايدالاندى.
«ءبىز ءوز وتانىمىزعا ورالدىق. ماعان جەكە كۋالىكتى ۇلتتىق مەرەكەمىز ناۋرىز مەيرامى قارساڭىندا تاپسىرعانى كوڭىلگە قونىمدى. مەن مۇنى جوعارىدان بەرىلگەن بەلگى دەپ سانايمىن»، - دەدى اراي سىدىق.
«كوشى-قون قىزمەتى قىزمەتكەرلەرىنە تۇسىنىستىك پەن قولداۋ كورسەتكەنى ءۇشىن العىس ايتامىن. بۇگىن مەن ازاماتتىق الدىم وتە قۋانىشتىمىن»، - دەدى ءوز كەزەگىندە ەرسىن اقيقات.
اۆتور: الما مۇقانوۆا