گرەتسيا تۇركيامەن شەكارادا 140 شاقىرىمدىق بولات توسقاۋىل ورناتادى
بۇل تۋرالى گرەتسيانىڭ ازاماتتاردى قورعاۋ ءمينيسترى تاكيس تەودوريكاكوس SKAI TV تەلەارناسىندا مالىمدەدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
ونىڭ سوزىنشە، گرەتسيا پوليتسەيلەرى شەكارادان زاڭسىز وتكەن 256 مىڭ ازاماتتى ۇستاعان. «تۇركيامەن شەكارادا توسقاۋىل ورناتۋعا ازاماتتاردى قورعاۋ مينيسترلىگى جاۋاپتى. ۆەدومستۆو جوبانى جۇزەگە اسىرۋ ءۇشىن قاجەتتى قۇرىلىمدارمەن جۇمىس ىستەپ جاتىر»، - دەدى تەودوريكاكوس.
2022 -جىلدىڭ جەلتوقسانىندا گرەتسيا ەۆروس (مەريچ) وزەنى ماڭىنداعى تۇركيامەن شەكاراعا 250 شەكارا قىزمەتكەرىن جىبەرۋ جوسپاردا بار ەكەنىن حابارلاعان. افينى بۇل ايماقتا تورۋىلداۋ جانە باقىلاۋ شارالارىن قاتاڭداتۋ كەرەك دەپ ءتۇسىندىردى.
2022 -جىلدىڭ 29- جەلتوقسانىندا تۇركيا ءا ت ك ۇشۋ اپپاراتى تۇركيانىڭ اۋماعىنا جاتاتىن بولىككە زاڭسىز ميگرانتتارى بار كەمەنىڭ كىرىپ جاتقان ءساتىن ءتۇسىرىپ العان. گرەتسيانىڭ جاعالاۋداعى كۇزەت قىزمەتكەرلەرى ەگەي تەڭىزىندە پروۆوكاتسيا جاسادى.
چەشمە كۋرورتتىق اۋدانىنان وڭتۇستىك- باتىسقا قاراي يزمير پروۆينتسياسىندا بولعان فاكتىنى تۇركيانىڭ ۇلتتىق قورعانىس مينيسترلىگى تىركەپ العان.
زاڭسىز ميگرانتتار مىنگەن كەمە تۇركيا جاعالاۋىنان 3,62 ميل قاشىقتىقتاعى تۇرىك اۋماعىنداعى وزەنگە ايداپ جىبەرىلدى، دەپ حابارلادى ۆەدومستۆو.
فوتو انادولى سايتىنان الىندى
اۆتور
بالنۇر قوجاگەلدى