پاۆلوداردا استانا كۇنى قارساڭىندا 140 وتباسى باسپانالى بولدى

فوتو: None
پاۆلودار. قازاقپارات - استانا كۇنى قارساڭىندا پاۆلودار قالاسىندا 72، اقسۋدا 70 پاتەر يەلەرىنە تابىس ەتىلدى، دەپ حابارلايدى قازاقپارات pavlodarnews.kz-كە سىلتەمە جاساپ.

پاۆلوداردا سارىارقا شاعىن اۋدانىنداعى تۇرعىن ءۇي پايدالانۋعا بەرىلدى. «نۇرلى جەر» مەملەكەتتىك باعدارلاماسى اياسىندا سالىنعان كوپقاباتتى تۇرعىن ۇيدەن پاتەرلى بولعاندار اراسىندا ۇلى وتان سوعىسى ارداگەرلەرى، جەتىم بالالار جانە كوپبالالى انالار دا بار. پاتەر يەلەرى ايتۋلى مەرەكە قارساڭىندا قونىس تويىن تويلاۋ ەرەكشە سىيلىق ەكەنىن ايتادى.

 

ايتا كەتەرلىگى، جىل سوڭىنا شەيىن «سارى ارقا» شاعىن اۋدانىنداعى تاعى سەگىز تۇرعىن ءۇيدى پايدالانۋعا تاپسىرۋ جوسپاردا بار. سونىڭ ەكەۋى «اليۋمينقۇرىلىس» شاعىن اۋدانىنىڭ تۇرعىندارى ءۇشىن سالىنىپ جاتىر، ال التاۋى «تۇرعىن ءۇي قۇرىلىس جيناق بانك» باعدارلامالارىنىڭ قاتىسۋشىلارىنا بەرىلەدى.

 

ەلوردانىڭ مەرەيتويى قارساڭىندا اقسۋ قالاسىندا دا جاڭا تۇرعىن ءۇي پايدالانۋعا بەرىلدى. بەس قاباتتى تۇرعىن ءۇيدى سالۋعا ERG كورپوراتسياسىنىڭ قۇرامىنا كىرەتىن ەۋرازيا ەنەرگەتيكا كورپوراتسياسى تاپسىرىس بەرگەن. 70 جاڭا پاتەرگە وسى كاسىپورىننىڭ قىزمەتكەرلەرى ورنالاستى. كومپانيا وكلدەرىنىڭ ايتۋىنشا، پاتەرلەردىڭ اۋدانىن ءبولىپ بەرۋدە وتە تاپشى ماماندىق يەلەرىنە، جاس جانە جوعارى بىلىكتى ماماندارعا باسىمدىق بەرىلگەن.

 

اقسۋدا جاڭا ۇيمەن قاتار كۇردەلى جوندەۋدەن شىققان ستاديون دا پايدالانۋعا بەرىلدى. بۇدان بولەك، قالادا بالالارعا ارنالعان جاڭا ەكوتەحنيكا ورتالىعى دا اشىلدى. قايتا تۇلەگەن ورتالىقتا ەندى ءىت- كابينەت، كوۆوركينگ- ورتالىق، «جىبەك جولى» ەكو- جانە ەتنوتۋريزم كابينەتى بار.

 

سونداي-اق استانا كۇنى قارساڭىندا ەلدى دامىتۋعا سۇبەلى ۇلەس قوسقان پاۆلودارلىقتاردى ماراپاتتاۋ ءراسىمى بولدى. پرەزيدەنتتىڭ جارلىعىمەن 30 ادامعا «استانا 20 جىل» مەرەيتوي مەدالدارى تابىس ەتىلدى.

   

Сейчас читают