سەبەبى ول بالا كەزدەن ارتىق سالماقتىڭ زاردابىن شەگىپ كەلگەن. سونداي-اق، سەمىزدىك تەينانىڭ قانىندا بار.
بۇل تۋرالى اعىلشىن باسىلىمى The Sun-عا سىلتەپ Stan.kz اقپاراتتىق اگەنتتىگى حابارلايدى.
باربوزا ەسىن بىلگەلى تولىق ادامدارعا ارناپ كيىم ۇلگىلەرىن جاسايتىن ديزاينەر بولىپ جۇمىس ىستەپ كەلەدى. وعان ءوز باسىنداعى جاعداي سەبەپ بولعان. الايدا تەينا 18-گە تولعاندا جاعداي وزگەرگەن. اناسىن جەدەل جاردەم اكەتىپ بارا جاتقانىن كورگەن سوڭ، بويجەتكەن سۇم جاعدايدى الدىن الۋ كەرەكتىگىن تۇسىنگەن.
قازىر باربوزا ارتىق سالماعىنان ارىلعان. وسىدان التى جىل بۇرىن ونىڭ سالماعى 140 كەلى بولدى دەپ ايتۋ قيىن.
«شىنىمدى ايتسام، ارتىق سالماعىما بولا ەشقاشان قينالعان ەمەسپىن. ارينە، وزىمە ۇنايتىنمىن دەپ ايتا المايمىن. ءبىراق ءوزىم قاراپايىم قىز سەزىنەتىنمىن»، - دەيدى باربوزا.
برازيليالىق قىزدىڭ اناسى جۇرەك تالماسىنا ۇشىراعان. باربوزا سول ساتتە اجەسىنىڭ دە ارتىق سالماقتىڭ كەسىرىنەن جۇرەكتەن كەتكەنىن ەسكە الدى. بويجەتكەن سۇم تاعدىردىڭ ءوزىن دە اينالىپ وتپەسىن ءبىلدى.
تەينا وزگەرىسكە اپاراتىن قادامدى ديەتادان باستادى. ول مايلى، ءتاتتى جانە ۇن تاعامدارىنان باس تارتتى. وسىلايشا 140 كەلى سالماعىنىڭ تەڭ جارتىسىنان ارىلدى.
بۇدان كەيىن، بويجەتكەن اسقازانىن تارىلتۋ وتاسىن جاساتتى. قۋانىشقا وراي، حيرۋرگيالىق وتا ءساتتى ءوتتى. الايدا بۇدان كەيىن قىز وزگە پروبلەمامەن بەتپە- بەت كەلگەن. سالبىراپ قالعان تەرى سالماعىنان ارىلۋ قاجەتتىگىن تۇسىنگەن ول اقىرىندا شەشىم قابىلداعان-دى.
تەينا جالعىز وپەراتسيامەن پروبلەمادان قۇتىلا المايتىنىن تۇسىنگەن. بۇگىندە ول تۇراقتى تۇردە سپورتپەن اينالىسادى. سونداي-اق، ارۋلارعا ماسساج قابىلداپ تۇرۋعا كەڭەس بەرەدى.
«مەن ەشقاشان ءوزىمدى بىرەۋدەن كەم ساناعان ەمەسپىن، وزىمە سەنىمدى بولدىم. جەتىستىككە جەتۋىمنىڭ سىرى وسى دەپ ويلايمىن»، - دەيدى سىلقىم.