اتالعانداي، ۆيسكونسين تۇرعىنى دەننيس كوۆالسكي ءوزىن، ايەلى ماريا جانە 19 جاستاعى دجەيكوب، 17 جاستاعى دەنني، 16 جاستاعى دجەيمس ەسىمدى ءۇش ۇلىن ولگەننەن كەيىن مۇزداتىپ قويعىسى كەلەدى.
كوۆالسكيدىڭ ءوزى كريونيكا ينستيتۋتىنىڭ ديرەكتورلار كەڭەسىنىڭ مۇشەسى بولىپ تابىلادى. ونىڭ پىكىرىنشە، وتباسى بولاشاقتا قايتا تىرىلە الادى. سونىمەن قاتار ەر ادام «ولگەننەن كەيىن ءوزىن جانە وتباسىن ساقتاپ قويعىسى» كەلەدى ەكەن. سەبەبى ول بولاشاقتا ادامداردى قايتا ءتىرىلتۋ ءادىسى پايدا بولاتىنىنا ءشۇباسىز سەنەدى. ول جاساعان ينۆەستيسياسى وتباسىنا قايتا تىرىلۋگە كومەكتەسەتىنىن ايتادى.
بەلگىلى بولعانداي، ءبىر ادامدى مۇزداتىپ قويۋ قۇنى 28 مىڭ دوللاردى قۇرايدى ەكەن. مۇنداي ءادىس ارقىلى 160 ادام مەن 100 شاقتى جانۋار مۇزداتىلعان.