140 بالل: اۋىل مەكتەبىنىڭ تۇلەگى ۇ ب ت- دا بارلىق سۇراققا دۇرىس جاۋاپ بەردى

قوناەۆ. KAZINFORM - الماتى وبلىسىنىڭ تالعار اۋدانىنا قاراستى قارابۇلاق اۋىلىنىڭ №22 جالپى ءبىلىم بەرەتىن ورتا مەكتەبىنىڭ تۇلەگى جاننۇر ەڭسەبەك بارلىق سۇراققا دۇرىس جاۋاپ بەرىپ، ماكسيمالدى 140 بالل جينادى.

اتاپ ايتقاندا، قازاقستان تاريحىنان – 20، وقۋ ساۋاتتىلىعى – 10، ماتەماتيكالىق ساۋاتتىلىق – 10، ەكى بەيىندىك پاننەن مۇمكىن بولعان 50 سۇراقتىڭ بارلىعىنا دۇرىس جاۋاپ بەرگەن.

جاننۇر ابزال ۇلىن بۇل جەتىستىگىمەن الەۋمەتتىك جەلى قولدانۋشىلارى قۇتتىقتاپ جاتىر.

«جارايسىڭ! قۇتتى بولسىن!»، «بالالارىمىزعا وسى بالانىڭ جولىن بەرسىن»، «جارايسىڭ، جاننۇر! قۋانىشتىمىز، مىقتى مامان يەسى بول، جولىڭ اشىق بولسىن»، - دەپ جازدى جەلى قولدانۋشىلارى.

بۇعان دەيىن اقتوبە قالاسىنداعى م. قۇرمانعاليەۆا اتىنداعى №32 گيمنازياسىنىڭ تۇلەگى ايشات ساعىنايەۆا ۇبت كەزىندە 137 بالل جيناعانىن جازعان ەدىك.