الماتىدا كوروناۆيرۋس جۇقتىرعان سوڭعى 14 ادامنىڭ 12 سى - مەديتسينا قىزمەتكەرلەرى
اتالمىش، 13 جاعداي سول جەردە بايلانىستا بولعانداردان جانە 1 جاعداي سىرتتان جۇقتىرىلعان. ونىڭ ىشىندە 11 ايەل جانە ءۇش ەر ادام. ونىڭ 12 سى قالالىق ستاتسيوناردىڭ قىزمەتكەرلەرى. ولاردىڭ اراسىندا ەكى دارىگەر جانە 10 مەدبيكە بار. ەكى ادامنىڭ جاعدايى پوليسەگمەنتتى پنيەۆمونياعا بايلانىستى اۋىر دەپ باعالانادى. قالعاندارى - قاناعاتتانارلىق.
«وكىنىشكە وراي، زارداپ شەككەندەردىڭ اراسىندا حالىققا مەديتسينالىق كومەك كورسەتەتىن مەديتسينالىق ۇيىم قىزمەتكەرلەرى اراسىنان پاتسيەنتتەر تىركەلگەن. ءبىز حالىقتى ۇرەيلەنبەۋدى سۇرايمىز! وسى ساناتتاعى ادامدار كارانتينگە قاراماستان وزدەرىنىڭ لاۋازىمدىق مىندەتتەرىن اتقاردى. ولار اۋرۋ قاۋپى بار ايماقتا تۇرعان العاشقى ادامداردىڭ ءبىرى بولىپ تابىلادى، ويتكەنى الدىڭعى قاتاردا تۇر. ولار ەمدەلۋشى وعان مۇقتاج بولعان كەز-كەلگەن جاعدايدا كومەك كورسەتتى. ولار كەز كەلگەن ادامنان، ونىڭ ىشىندە سيمپتومسىز تاسىمالداۋشىدان جۇقتىرۋى مۇمكىن. قازىرگى ۋاقىتتا ەپيدەومولوگيالىق تەرگەۋ جۇرگىزىلۋدە. جاعداي قالانىڭ جەدەل شتابىنىڭ باقىلاۋىندا. ينفەكتسيانىڭ تارالۋىنا جول بەرمەۋ بويىنشا بەلگىلى ءبىر شارالار جۇرگىزىلۋدە. ولارمەن بايلانىستا بولعان بارلىق ادامدار ىزدەستىرىلىپ، كارانتينگە ورنالاستىرىلادى»، - دەپ اتاپ ءوتتى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ.
قالعان ەكەۋى - جەرگىلىكتى بايلانىستا بولعان 2000 -جىلعى جاس جىگىت، ال 24 جاستاعى قىز كۋالۋ-لۋمپۋر رەيسىمەن ۇشىپ، ول ستاتسيوناردا. قالادا كوروناۆيرۋس ينفەكسياسىنىڭ 137 راستالعان وقيعاسى تىركەلگەن. ينفەكسيالىق ستاتسيونارلاردا 108 جاعداي (وبلىستاردان)، ونىڭ ىشىندە 4 بالا. 80 ناۋقاستىڭ جاعدايى قاناعاتتانارلىق. 7 ەۋى اۋىر، 21 ەرەسەك ادامنىڭ جاعدايى (وبلىستىڭ بىرىندە) - ورتاشا. پروۆيزورلىق ورتالىقتاردا 138 ادام، ولاردىڭ - 9 بالا، 386 سى كارانتيندە، ال 5334 ادام ءۇي كارانتينىندە.