بۇل تۋرالى ق ر ورتالىق سايلاۋ كوميسسياسىنىڭ مۇشەسى ەرلان داۋىلبايەۆ ايتتى، دەپ حابارلايدى قازاقپارات ءتىلشىسى.
«وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ سايلاۋ كوميسسيالارى ۇسىنعان مالىمەتتەرگە سايكەس، 2021-جىلعى 10- قاڭتار كۇنى ساعات 14:00 دەگى جاعداي بويىنشا سايلاۋ بيۋللەتەندەرىن تىزىمگە ەنگىزىلگەن سايلاۋشىلاردىڭ جالپى سانىنىڭ 43,9 پايىزى الدى. ولاردىڭ ىشىندە: اقمولا وبلىسى - 41,3، اقتوبەدە وبلىسى - 41,1، الماتى وبلىسى - 43، اتىراۋ وبلىسى - 37,3، باتىس قازاقستان وبلىسى - 47,5، جامبىل وبلىسى - 55,1، قاراعاندى وبلىسى - 51,6، قوستاناي وبلىسى - 49,9، قىزىلوردا وبلىسى - 48,7، ماڭعىستاۋ وبلىسى - 36، پاۆلودار وبلىسى - 51,1، سولتۇستىك قازاقستان وبلىسى - 58,2، تۇركىستان وبلىسى - 46,6، شىعىس قازاقستان - 48,8، نۇر- سۇلتان قالاسى - 37، الماتى قالاسى - 21,9، شىمكەنت قالاسى - 44,5 پايىز»، - دەدى ەرلان داۋىلبايەۆ.
ونىڭ اتاپ وتۋىنشە، سايلاۋشىلاردىڭ سايلاۋ ۋچاسكەلەرىنە كەلۋى تۋرالى كەلەسى اقپارات جەرگىلىكتى ۋاقىت بويىنشا 16:00 ۇسىنىلادى.
سايلاۋشىلاردىڭ كەلۋى تۋرالى الدىن الا قورىتىندى اقپارات ساعات 22:00 دە بەرىلەدى.