قازگيدرومەت ءساۋىردىڭ 13 ى كۇنگى كۇن رايى بولجامىن جاريالادى
كاسىپورىن تاراتقان دەرەكتەرگە قاراعاندا، قازاقستاننىڭ باتىس بولىگىندە سيكلوننىڭ اسەرىنەن، سونداي- اق فرونتالدى بولىكتەردىڭ وتۋىنە بايلانىستى رەسپۋبليكانىڭ وڭتۇستىك- شىعىسىندا جاڭبىر جاۋىپ، نايزاعاي وينايدى. ق ر تەرريتورياسىنىڭ وزگە بولىگىنە انتيسيكلون جوتاسى اسەر ەتىپ، كۇن اشىق بولادى.
الايدا وسى كۇنى رەسپۋبليكا بويىنشا جەل كۇشەيىپ، سولتۇستىك- باتىستا تۇمان تۇسەدى. باتىس قازاقستان وبلىسىنىڭ باتىسىندا نايزاعاي وينايدى، وبلىستىڭ وڭتۇستىك-باتىسىندا جەل 15-20 م/س جىلدامدىقپەن ەسەدى. اتىراۋ وبلىسىنىڭ باتىسىندا، سولتۇستىگىندە، شىعىسىندا نايزاعاي وينايدى، وبلىستىڭ سولتۇستىگىندە جەل 15-20 م/س جىلدامدىقپەن سوعادى.
تۇندە ماڭعىستاۋ وبلىسىنىڭ سولتۇستىك- باتىسىندا جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.
اقتوبە وبلىسىنىڭ باتىسىندا، سولتۇستىگىندە، ورتالىعىندا نايزاعاي وينادى، وبلىستىڭ وڭتۇستىگىندە، سولتۇستىگىندە، ورتالىعىندا جەل سەكۋندىنا 15-20 مەتر جىلدامدىقپەن سوعىپ، ەكپىنى 23 م/س- قا دەيىن كۇشەيەدى.
قوستاناي وبلىسىنىڭ باتىسىندا، وڭتۇستىگىندە جەل 15-20 م/س جىلدامدىقپەن سوعادى، تاڭەرتەڭ جانە كۇندىز نايزاعاي وينايدى، تۇمان تۇسەدى.
جامبىل وبلىسىنىڭ تاۋلى، تاۋ بوكتەرلى اۋداندارىندا نايزاعاي وينايدى، كۇندىز وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋدانداردا جەل 15-20 م/س-قا دەيىن كۇشەيەدى.
سولتۇستىك قازاقستان وبلىسىنىڭ سولتۇستىك- شىعىسىندا، كۇندىز تۇركىستان وبلىسىنىڭ تاۋلى اۋماقتارىندا، شىعىس قازاقستان وبلىسىنىڭ وڭتۇستىك- شىعىسىندا جەل 15-20 م/س جىلدامدىقپەن سوعادى.