بۇگىن، ياعني 7 - قاڭتار ساعات 08: 52-دە نۇر- سۇلتان قالاسى ەسەنبەرلين كوشەسى، 26/1 مەكەنجايىندا ورنالاسقان اۆتوكولىك جۋۋ ورنىندا تىركەلگەن. ونىڭ ىشىندە كولىك جانىپ جاتقانى تۋرالى كەلىپ تۇسكەن شاقىرۋعا نۇر- سۇلتان قالاسىنىڭ ت ج د ءورت ءسوندىرۋ بولىمشەلەرىنەن 9 تەحنيكا مەن جەكە قۇرامنان 15 ادام جۇمىلدىرىلعان.
«ءورت سوندىرۋشىلەر ساعات 08:59 شاماسىندا كەلگەن بويدا «باتىر» كولىك جۋۋ ورنىنىڭ ەكى قاباتتى عيماراتىندا كولىكتەر جانىپ جاتقانى انىقتالدى. الدىن الا بولجام بويىنشا 13 جەڭىل اۆتوكولىككە زاقىم كەلگەن. اۆتوكولىك جۋاتىن ورىن اۆتوكولىكتەرمەن تىعىز تولتىرىلعاندىقتان وتتى اۋىزدىقتاۋ ءبىراز قيىنعا سوقتى، ءبىراق ءورت سوندىرۋشىلەردىڭ جەدەل جانە ساۋاتتى ءىس- قيمىلىنىڭ ارقاسىندا ءتىلسىز جاۋ ءسوندىرىلدى. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر»، - دەيدى مينيسترلىكتەن.
نۇر- سۇلتان قالاسى ت ج د ازاماتتارعا، ت ق س جانە باسقا دا كاسىپورىنداردىڭ يەلەرىنە قاراپايىم ءورت قاۋىپسىزدىگى ەرەجەلەرىن ساقتاۋعا، تۇرمىستىق تەحنيكانى، ەلەكتر قۇرىلعىسىن پايدالانۋ جونىندەگى نۇسقاۋلىقتى ساقتاۋعا، ەلەكتر سىمدارىنىڭ وقشاۋلاعىشى زاقىمدالعان اسپاپتاردى پايدالانباۋعا كەڭەس بەرەدى.
اۆتور: ايان بەكەن ۇلى