اتاۋلى كۇندەر
قازاقستاندا وتباسى كۇنى 2013 -جىلى 1-ناۋرىزدا مەملەكەت باسشىسى «قازاقستان رەسپۋبليكاسىنداعى كاسىپتىك جانە وزگە دە مەرەكەلەر» تۋرالى جارلىققا وزگەرىس ەنگىزىپ، قىركۇيەكتىڭ ەكىنشى جەكسەنبىسىن وتباسى كۇنى دەپ بەلگىلەدى. بۇل كۇنى ەلىمىزدىڭ ءار ايماعىندا وتباسى قۇندىلىقتارىن ناسيحاتتاۋعا ارنالعان ءتۇرلى شارالار ۇيىمداستىرىلىپ، جەرگىلىكتى اتقارۋشى ورگاندار تاراپىنان ۇلگىلى وتباسىلارعا سىي- قۇرمەت كورسەتىلەدى.
بۇكىلالەمدىك تىرنالار كۇنى
جەر بەتىندە تىرنالاردىڭ 15 ءتۇرى بار دەپ ەسەپتەلەدى. ولاردىڭ كەيبىر تۇرلەرى قىزىل كىتاپقا ەنگىزىلگەن. بۇل كۇن العاش رەت ا ق ش- تا 2002 -جىلى اتاپ ءوتىلدى. نەگىزگى ماقسات - تىرنالاردىڭ جوعالىپ بارا جاتقان تۇرلەرىن ساقتاۋ، ولاردى قورعاۋعا الۋ. فاشيزم قۇرباندارىن ەسكە الۋ كۇنى الەمنىڭ كوپتەگەن ەلدەرى وسى كۇندى قىركۇيەك ايىنىڭ ەكىنشى جەكسەنبىسىندە اتاپ وتەدى. بۇل كۇننىڭ تاڭدالۋ سەبەبى ەكىنشى دۇنيەجۇزىلىك سوعىستىڭ باستالۋى دا، اياقتالۋى دا وسى قىركۇيەك ايىنىڭ العاشقى كۇندەرىنە ءدوپ كەلەدى.
ەستە قالار وقيعالار
1930-جىلى №4 اسكەري قويما نەگىزىندە قازاقستان قارۋلى كۇشتەرىنىڭ №44959 اسكەري ءبولىمى قۇرىلدى. ەكىنشى دۇنيەجۇزىلىك سوعىس كەزىندە جانە اۋعانستانعا حالىقارالىق كومەك كورسەتۋ كەزىندە ول زاۋىتتاردان شىققان دايىن ءونىمدى ساقتاۋ، وق- دارىلەرى بار پويىزداردى مايدانعا جىبەرۋ ىسىمەن اينالىستى. بۇگىندە قازاقستاندا وق- دارىلەردى ساقتايتىن جانە ولاردى سىناقتان وتكىزەتىن جالعىز مونيتورينگ زەرتحانا قۇرىلدى، زەنيتتى- باسقارىلاتىن زىمىرانداردى سىناۋعا ارنالعان شەبەرحانا ىسكە قوسىلدى. وتكەن جىلدان باستاپ ينجەنەرلىك جانە اتۋعا ارنالعان وق- دارىلەردى قايتا ونەۋدە ارنالعان قۇرىلعى ىسكە قوسىلدى.
2007-جىلى استانادا № 50 مەكتەپ- ليتسەيگە اتى اڭىزعا اينالعان رايىمبەك باتىر ەسىمىن بەرۋ ءراسىمى ءوتتى.
رايىمبەك باتىر (1705- 1785) - XVIII عاسىرداعى ۇلى قازاق باتىرى، ۇلى ءجۇزدىڭ البان رۋىنان شىققان اتاقتى حانگەلدى باتىردىڭ نەمەرەسى. جەتىسۋ جەرىن جوڭعار باسقىنشىلارىنان ازات ەتكەن اڭىزعا اينالعان ەپيكالىق كۇرەسكەر. باتىرلىعى ءۇشىن ابىلاي حان رايىمبەكتى ءوز قولباسشىلارىنىڭ ءبىرى ەتىپ تاعايىنداعان.
2012-جىلى كورەيا رەسپۋبليكاسىنىڭ پرەزيدەنتىنىڭ قازاقستانعا رەسمي ساپارى اياسىندا ەلباسى نۇرسۇلتان نازاربايەۆ پەن لي مەن باك قۋاتى 1320 م ۆ ت- تىق بالقاش جىلۋ ەلەكتر ستانسىسىنىڭ 1- ءمودۋلىنىڭ قۇرىلىسىن باستاۋ راسىمىندە بولدى.
2013-جىلى ش ى ۇ مەملەكەت باسشىلارى كەڭەسىنىڭ 13-وتىرىسىنىڭ جۇمىسى اياقتالعان سوڭ قازاقستان، قىرعىزستان، رەسەي فەدەراتسياسى، تاجىكستان، وزبەكستان پرەزيدەنتتەرى، سونداي- اق ق ح ر ءتوراعاسى بىشكەك دەكلاراتسياسىنا قول قويدى. بۇل قۇجاتتا ش ى ۇ- عا مۇشە مەملەكەتتەردىڭ ش ى ۇ حارتياسىنىڭ قاعيداتتارى مەن ەرەجەلەرى جانە شانحاي ىنتىماقتاستىق ۇيىمىنىڭ باسقا دا قۇجاتتارى نەگىزىندە ءوزارا ءىس- قيمىلعا بەيىلدىلىگى كورسەتىلگەن.
2016-جىلى قازاقستاندا ءدىن ىستەرى جانە ازاماتتىق قوعام مينيسترلىگى قۇرىلدى. ول-ءدىني بىرلەستىكتەرمەن ءوزارا ءىس- قيمىل، ءدىني سەنىم بوستاندىعىنا ازاماتتاردىڭ قۇقىقتارىن قامتاماسىز ەتۋ، سونداي- اق مەملەكەت پەن ازاماتتىق سەكتوردىڭ ءوزارا ءىس- قيمىلىن جۇزەگە اسىراتىن قازاقستان رەسپۋبليكاسىنىڭ ورتالىق اتقارۋشى ورگانى. قازىرگى كۇنى قوعامدىق دامۋ مينيسترلىگى بولىپ اتاۋى وزگەرتىلدى.
2016 -جىلى پاۆلودار وبلىسى تەرەڭكول اۋىلىندا قىزمەتىن اتقارۋ بارىسىندا قازا بولعان پوليتسيا كاپيتاندارى احمەتقالي تەزەكپايەۆ پەن فاريد كاكابايەۆتىڭ ەسكەرتكىش قويىلدى. كاچير ءا ءى ءى ب باستىعىنىڭ ورىنباسارى، پوليتسيا كاپيتانى احمەتقالى تەزەكبايەۆ 1997 -جىلدىڭ 1 تامىزىنا قاراعان ءتۇنى قايتىس بولدى. احمەتقالي اۋداندىق پوليتسيا بولىمىنە اكەلۋى كەرەك بولعان كۇدىكتىلەردىڭ ءبىرى كەنەتتەن پوليتسيا قىزمەتكەرىنە مىلتىق اتىپ، سالدارىنان قۇقىق قورعاۋ ورگانىنىڭ قىزمەتكەرى وقيعا ورنىندا جان تاپسىردى. كاچير اۋداندىق پوليتسيا ءبولىمىنىڭ ۋچاسكەلىك ينسپەكتورى، پوليتسيا كاپيتانى فاريد كاكابايەۆ 2008 -جىلدىڭ 26 -شىلدەسىندە قايتىس بولدى. كەزەكتى دەمالىسىندا جۇرگەن وعان جاپپاي توبەلەس بولىپ جاتقاندىعى تۋرالى تۋرالى حابارلاما تۇسەدى. ول وقيعا ورنىنا جەتىپ، بەلسەندى قاتىسۋشىلارىنىڭ ءبىرىنىڭ ىزىنە تۇسەدى. ال قىلمىسكەر ورتتەن قاشۋعا تىرىسىپ، پوليتسيا قىزمەتكەرىنىڭ باسىنا بەتون تاقتايشانى لاقتىرعان. جاراقات سالدارىنان پوليتسيا قىزمەتكەرى كوز جۇمدى.
2016 -جىلى قازاقستاننان كەلگەن ۆيزاجيستەر كومانداسى OMC Europe Cup - 2016 ماكياجدان ەۋروپا چەمپيوناتىنىڭ التىن كۋبوگىن جەڭىپ الدى. الەمنىڭ ءابسوليۋتتى چەمپيونى ۆيكتوريا ستانيەۆيچ باستاعان قازاقستان قۇراماسى ەۋروپادا ۇزدىك اتاندى. ماكياج اكادەمياسىنىڭ وقىتۋشىلارى ۆيكتوريا ستانيەۆيچ، مارينا باسوۆا جانە ەلەنا ۋشاكوۆا بەس جۇلدەلى ورىنعا يە بولىپ، كوماندانى ءتۋرنيردىڭ ۇزدىكتەر قاتارىنا شىعاردى.
2018 -جىلى قازاقستان رەسپۋبليكاسىنىڭ مەملەكەتتىك ەلتاڭباسىنا «Qazaqstan» لاتىن گرافيكاسىنداعى «قازاقستان» ءسوزىن جازۋ بولىگىندە ستاندارتتىڭ بۇكىل ءماتىنى بويىنشا وزگەرىستەر ەنگىزىلدى. وزگەرىستەردى جۇمىس توبى پرەزيدەنت نۇرسۇلتان نازاربايەۆتىڭ «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» جارلىعىنا سايكەس ازىرلەدى.
2019 -جىلى تۇركيا رەسپۋبليكاسىنىڭ استاناسى انكاراداعى انادولى وركەنيەتتەرى مۋزەيىنىڭ كورمە زالىندا قازاقستان رەسپۋبليكاسى ۇلتتىق مۋزەيىنىڭ «ۇلى دالا: تاريح جانە مادەنيەت» كورمەسى اشىلدى. قازاقستان رەسپۋبليكاسىنىڭ ۇلتتىق مۋزەيى «التىن ادامنىڭ الەم مۋزەيلەرىنە شەرۋى» حالىقارالىق تۋرىن جاريالادى. وسى اۋقىمدى جوبا اياسىندا كورمە بەلارۋس، رەسەي، ءازىربايجان، قىتاي، پولشا، وڭتۇستىك كورەيا، تاتارستان، وزبەكستان جانە سولتۇستىك ماكەدونيا مۋزەيلەرىندە ۇلكەن تابىسپەن ءوتتى.
2019 -جىلى بايقوڭىر قالاسى اكىمشىلىگى باسشىسىنىڭ ورىنباسارى يرينا نازاروۆا قازعارىش دەلەگاتسياسىنىڭ قاتىسۋىمەن «بايقوڭىر قالاسى جانە عارىش ايلاعى» مەدالىن «قازاقپارات» اگەنتتىگىنىڭ مەنشىكتى ءتىلشىسى سارا نۇرعاليەۆاعا تابىس ەتتى. مەدال ءتىلشىنىڭ قالا مەن بايقوڭىر عارىش ايلاعىنىڭ جەتىستىكتەرىن دارىپتەۋدەگى بەلسەندى قىزمەتى، بايقوڭىر قالاسىنىڭ اكىمشىلىگىمەن كوپجىلدىق جەمىستى ىنتىماقتاستىعى ءۇشىن بەرىلدى.