ناۋقاستاردى ەمدەۋ باستالعالى بەرى بۇل - العاشقى جاپپاي شىعارۋ بولىپ وتىر. ولاردىڭ قاتارىندا ەلىمىزدىڭ ءار ايماقتارىنان كەلگەن ەمدەلۋشىلەر بار.
اتاپ ايتساق، سولتۇستىك قازاقستان جانە تۇركىستان وبلىستارى، نۇر-سۇلتان، شىمكەنت جانە قوستاناي قالالارى، سونداي-اق جامبىل وبلىسى قورداي اۋدانىنىڭ تۇرعىندارى.
ەم العانداردىڭ تورتەۋى - شىمكەنت قالاسىنىڭ تۇرعىندارى دەسەك، ونىڭ ەكەۋى - 1996 جانە 1999 -جىلى تۋعان ستۋدەنتتەر. ولار التى جولاۋشىسىنان كوروناۆيرۋس انىقتالعان دەلي- تاراز رەيسىندە بولعان.
ال، 1975 جانە 1980 -جىلى تۋعان قالعان ەكەۋى قىرعىز رەسپۋبليكاسىنان ۇلكەن جۇك كولىگىن ايداپ كەلگەن جۇرگىزۋشىلەر. شەكارادا ولاردان اتالعان ينفەكتسياعا الىنعان تالداۋ قورىتىندىسى وڭ ناتيجە كورسەتكەن. سونداي-اق، تۇركىستان وبلىسىنىڭ 1986-جىلى تۋعان جانە نۇر-سۇلتان قالاسىنىڭ 1994-جىلى تۋعان تۇرعىندارىنىكى دە وسىعان ۇقساس جاعداي.
ولار كورشى رەسپۋبليكادان ۇلكەن جۇك كولىگىمەن كەلگەن كەزدە شەكارادا تالداۋ الىنىپ، COVID-19 بار ەكەندىگى راستالعان.
1999-جىلى تۋعان ج و و ستۋدەنتى - قورداي اۋدانىنا كەلگەن قوستاناي قالاسىنىڭ تۇرعىنى. دەلي-تاراز رەيسىمەن جەتكىزىلگەن 2000-جىلى تۋعان تاعى ءبىر ستۋدەنت سولتۇستىك قازاقستان وبلىسىنىڭ تۇرعىنى بولسا، ال 1954-جىلى تۋعان ەم الۋشى - ەلوردالىق.
قالعان ءتورت ادام - 28-45 جاس ارالىعىنداعى قورداي اۋدانىنىڭ تۇرعىندارى. ولاردىڭ اراسىندا ەكى ۇلكەن جۇك كولىگىنىڭ جۇرگىزۋشىسى، اۋىر وتادان كەيىنگى ەمدەلۋشى جانە ناۋقاسپەن جاقىن بايلانىستا بولعان تۇلعالار بار.
بارلىق 13 تۇلعا ەكى اپتا بويى ينفەكتسيالىق ستاتسيوناردا بولىپ، ەمدەۋ شارالارىن ويداعىداي وتكىزگەن. الگوريتمگە سايكەس، ولاردان ك ۆ ي- عا ەكى رەت قايتالاما زەرتحانالىق تالداۋ الىنىپ، دەرتتەن ايىققانى راستالدى.
بارلىق ەمدەلىپ شىققاندار ءۇشىن ارنايى تاسىمال ۇيىمداستىرىلىپ، تۇرعىلىقتى جەرىنە جەتكىزىلدى.
شالعاي قالالاردا تۇراتىن ەمدەلۋشىلەرگە ارنايى اۆتوكولىك قاراستىرىلدى. الداعى ەكى اپتا بويى ولار ءۇي كارانتينىندە دارىگەرلەردىڭ باقىلاۋىندا بولادى. بۇگىنگى تاڭدا ينفەكتسيالىق ستاتسيوناردا 37 ناۋقاس ەم الۋدا، جاعدايلارى تۇراقتى.
جالپى، ايماقتا وسىمەن كوروناۆيرۋستان 24 ادام ساۋىعىپ شىقتى.