ولاردىڭ بىرەۋى پوليتسيا قىزمەتكەرى، دەپ حابارلايدى bbc.com.
تۇرعىندارعا شابۋىلداعان ادامدى اتىپ ءولتىردى. كۋاگەرلەر ونىڭ پوليتسيانىڭ فورماسىن كيىپ، پوليتسيانىكىنە ۇقسايتىن كولىكپەن جۇرگەنىن ايتادى.
اتىس سەنبى كۇنى پورتاپيك دەگەن شاعىن قالادان باستالعان. پوليتسيا شابۋىلداۋشىنى توقتاقپاق بولىپ، 12 ساعات بويى ارپالىسقان.
جەرگىلىكتى تۇرعىندارعا ەشقايدا شىقپاۋ قاجەتتىگى تۋرالى ەسكەرتىلگەن. باۋكەسپە قولىنداعى قارۋىمەن جاڭا شوتلاندياداعى بىرنەشە ەلدى مەكەندە بولعان. سوندىقتان ونىڭ ناقتى قانشا ادامدى ولتىرگەنى ازىرگە بەلگىسىز.
جەرگىلىكتى پوليتسيا Twitter ارقىلى 51 جاستاعى گەبريەل ۋورتمان اتتى ازاماتقا كۇدىك كەلتىرىلىپ وتىرعانىن حابارلادى. ول پوليتسيا قىزمەتكەرى ەمەس، الايدا پوليتسيانىڭ كيىمىن كيىپ، پوليتسيا قىزمەتكەرلەرى مىنەتىن كولىككە ۇقساس كولىكپەن جۇرگەن.
كانادانىڭ پرەمەرى بۇنى جانتۇرشىگەرلىك جاعداي دەپ باعالادى. ال جاڭا شوتلانديا ۇكىمەتىنىڭ باسشىسى ستيۆەن ماكنيل «بۇل ءبىزدىڭ پروۆينتسيانىڭ تاريحىنداعى بۇرىن-سوڭدى بولماعان ەشقانداي ءمان-ماعىناسى جوق زورلىق-زومبىلىق» دەگەن باعا بەردى.
كانادا پوليتسياسىنىڭ باسشىسى برەندا لۋتسكي قاراقشىنى ۇستاۋ كەزىندە ءتارتىپ ساقشىلارىنىڭ ونىمەن اتىسقانىن حابارلادى. سوعان قاراماستان بۇل جاعدايعا ازىرگە «تەرروريستىك اكتى» دەگەن باعا بەرىلگەن جوق.
قىلمىستىق ارەكەتتىڭ ءمان-جايى ءالى ناقتىلانىپ جاتىر. پوليتسيا باسشىسىنىڭ سوزىنشە، شابۋىلداۋشىنىڭ الدىمەن ناقتى جوسپارى بولعان، كەيىننەن ول بەي-بەرەكەت ارەكەت ەتە باستاعان.