قازاقپارات كۇنتىزبەسى: 13- ءساۋىر
اتاۋلى كۇندەر
بۇكىل الەمدىك روك-ن-رولل كۇنى
1954-جىلدىڭ 13- ساۋىرىندە امەريكاندىق ءانشى بيللي حەيلي «Rock Around the Clock» كومپوزيتسياسىن جازعان. سول سەبەپتى بۇل كۇنى روك-ن-روللدىڭ تۋعان كۇنى سانالادى.
ەكىنشى دۇنيەجۇزىلىك سوعىستان كەيىن، ⅩⅩ عاسىردىڭ ورتاسىندا ادامدار بەيبىتشىلىك پەن ءبىرقالىپتى ومىرگە ۇمتىلدى. سول كەزەڭدەگى بۇقارانىڭ كوڭىل-كۇيىن مۋزىكادان بايقاۋعا بولاتىن ەدى، جۇرتشىلىق تىنىش جانە سەنتيمەنتالدى مۋزىكا تىڭداعان.
ال، امەريكادا ريتم-ەند-بليۋز جانرىنداعى مۋزىكا كەڭ ەتەك الدى. كليۆلەند راديوستانساسىنىڭ ديسك-جوكەيى الان فريد ەفيردە ريتم-ەند-بليۋز ستيلىندەگى تاسپانى قويىپ، وعان «روك-ن-رولل» دەگەن اتاۋ بەرەدى.
روك-ن-رولل ستيلىندەگى العاشقى جۇلدىزداردىڭ قاتارىندا بيلل حەيلي، ەلۆيس پرەسلي سياقتى تانىمال ورىنداۋشىلار بولعان.
ەستە قالار وقيعالار
1944-جىلى تاۋەلسىز قازاقستان سىرتقى ساياسي ۆەدومستۆوسىنىڭ نەگىزى - قازاق ك س ر سىرتقى ىستەر حالىق كوميسسارياتى قۇرىلدى.
2010-جىلى قازاقستان پرەزيدەنتى نۇرسۇلتان نازاربايەۆ ا ق ش استاناسى ۆاشينگتون قالاسىندا يادرولىق قاۋىپسىزدىك بويىنشا جاھاندىق سامميتتەگى پىكىرتالاسقا قاتىسىپ، ءسوز سويلەدى.
2014-جىلى بىرىككەن اراب امىرلىكتەرىندە ەتنيكاارالىق جانە كونفەسسياارالىق كەلىسىمنىڭ قازاقستاندىق ۇلگىسىن ناسيحاتتاۋ ماقساتىندا قازاقستان ەلشىلىگى ءابۋ-دابيدە «قازاقستان - پوليەتنيكالىق ەل» اتتى اراب تىلىندە جۋرنال شىعاردى.
2014-جىلى بىشكەكتە مالدىبايەۆ اتىنداعى قىرعىز اكادەميالىق وپەرا جانە بالەت تەاترىنىڭ ساحناسىندا قازاق جازۋشىسى، ق ر مەملەكەتتىك سىيلىعىنىڭ لاۋرەاتى ءسابيت دوسانوۆتىڭ الماتىدا 1986-جىلعى جەلتوقسانداعى وقيعا تۋرالى باياندايتىن «جانۇران» اتتى پەساسىنىڭ پرەمەراسى بولىپ ءوتتى.
پەسانىڭ باس كەيىپكەرى - قازاقستاننىڭ حالىق قاھارمانى قايرات رىسقۇلبەكوۆ. سپەكتاكلدە قىرعىز اكتەرلەرى نۇرمات ۇلى باحتىبەك (قايرات)، مايرامكۇل بەگمان قىزى (ءفاتيما)، نۇربەك ءۇرماتجان ۇلى (اقىن الماز)، ەرلان بەكچورو ۇلى (كولبين) ءرول وينادى.
2016-جىلى قازاقستان، ازەربايجان، گرۋزيا تەمىرجول ۆەدومستۆولارى حالىقارالىق ترانسكاسپيي كولىكتىك كونسورتسيۋمىن قۇرۋ تۋرالى ۋاعدالاستى.
2016-جىلى قازاقستان پرەزيدەنتى نۇرسۇلتان نازاربايەۆ پەن تۇركيا پرەزيدەنتى رەجەپ ەردوعان يسلامدىق بىتىمگەرلىككە كەلۋ بويىنشا بىرلەسكەن دەكلاراتسياعا قول قويدى. قۇجاتتا مەملەكەت باسشىلارى حالىقارالىق بەيبىتشىلىك پەن قاۋىپسىزدىكتى قولداۋعا، مەملەكەتتەر اراسىندا دوستىق قاتىناستاردى دامىتۋعا باعىتتالعان قاعيداتتاردىڭ ىقىلاستىلىعىن راستادى.
2016-جىلى قاراعاندىدا 38№ مەكتەپ وقۋشىسى داريا اندرەيچەنكو ستيپەنديالىق باعدارلامالاردىڭ نەگىزىن قالاۋشىلاردىڭ ءبىرى بيلل گەيتس گرانتىن العان العاشقى قازاقستاندىق اتاندى.
داريا الەمنىڭ ەڭ بەدەلدى جوو-لارىنان، ونىڭ ىشىندە ديۋك ۋنيۆەرسيتەتىندە وقۋعا شاقىرتۋ الدى.
2018-جىلى تاجىكستان رەسپۋبليكاسى عىلىم اكادەمياسىنىڭ گەولوگيا ينستيتۋتىندا تاجىكستان عىلىم اكادەمياسىنىڭ تۇڭعىش شەتەلدىك قۇرمەتتى مۇشەسى، قازاقستاندىق كورنەكتى عالىم قانىش ساتبايەۆقا ارنالعان ەسكەرتكىش تاقتانىڭ سالتاناتتى اشىلۋ ءراسىمى بولدى.