«قىتاي حالىق رەسپۋبليكاسى قازاقستان ءۇشىن اسا ماڭىزدى ستراتەگيالىق سەرىكتەس سانالادى. ءبىزدىڭ ەلدەرىمىز اراسىنداعى قارىم- قاتىناس دوستىققا، ءوزارا سەنىمگە نەگىزدەلگەن. قىتاي ءبىزدىڭ ساۋدا- ساتتىعىمىز بەن ءوزارا ينۆەستيتسيامىزدا ماڭىزدا ورىنعا يە»، - دەدى ەلباسى.
قازاقستان پرەزيدەنتى بۇگىندە قازاقستاندا قىتايلىق كومپانيالاردىڭ قاتىسۋىمەن ەكونوميكانىڭ مۇناي- گاز، حيميا، تاماق ونەركاسىبى، ماشينا جاساۋ، جەڭىل ونەركاسىپ سىندى ءتۇرلى سالالارىندا 1200-دەن استام كاسىپورىن، سونىمەن قاتار قىتايلىق ءىرى ءۇش بانك تابىستى جۇمىس ىستەپ جاتقانىن ايتتى.
«بۇگىن ماعان بايان ەتكەندەي، ىسكەرلىك كەڭەستىڭ وتىرىسى ءوتتى. ونىڭ جۇمىسىنا ەكى تاراپتان 300-دەن استام بيزنەس وكىلدەرى قاتىستى. 13 ميلليارد دوللاردان استام سوماعا شامامەن 40 قۇجاتقا قول قويىلدى»، - دەدى نۇرسۇلتان نازاربايەۆ.
ايتا كەتەيىك، ەلباسى نۇرسۇلتان نازاربايەۆ قىتايعا مەملەكەتتىك ساپارمەن كەلىپ، كەشە ق ح ر ءتوراعاسى شي جينپيڭمەن كەڭەيتىلگەن قۇرامدا كەلىسسوزدەر وتكىزدى.
ناتيجەسىندە بىرنەشە قۇجاتقا قول قويىلدى.
سونىمەن قاتار مەملەكەت باسشىسى ق ح ر مەملەكەتتىك كەڭەسىنىڭ پرەمەرى لي كىشياڭمەن، ق ر پرەزيدەنتى بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى لي جانشۋمەن كەزدەستى.
بۇگىن، 8 - ماۋسىم كۇنى نۇرسۇلتان نازاربايەۆ بەيجىڭدە حالىق باتىرلارى ەسكەرتكىشىنە گۇلدەستەسىن قويۋ شاراسىنا قاتىستى.
ال 10- ماۋسىم كۇنى ق ر پرەزيدەنتى چيڭداۋ قالاسىندا وتەتىن شاڭحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ كەڭەسىنە قاتىسادى دەپ كۇتىلۋدە.
اۆتور: مارلان جيەمباي