قازاقستاننىڭ ماشينا جاساۋ سالاسىندا 13 مىڭنان استام جۇمىس ورنى قۇرىلادى
09:47, 01 - قىركۇيەك 2015
استانا. قازاقپارات - الداعى 5 جىل ىشىندە قازاقستاننىڭ ماشينا جاساۋ سالاسىندا 13 مىڭنان استام جۇمىس ورنى قۇرۋ جوسپارلانۋدا.
بۇل تۋرالى «قازاقپارات» ح ا ا- نىڭ رەسمي ساۋالىنا وراي ق ر ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنەن حابارلادى.
«يندۋستريالىق- يننوۆاتسيالىق دامۋ مەملەكەتتىك باعدارلاماسىنىڭ (ي ي د م ب) ەكىنشى بەسجىلدىعى اياسىندا ماشينا جاساۋ سالاسى جوبالارىن جۇزەگە اسىرۋ بارىسىندا جوبالاردىڭ قۇرىلىسى كەزىندە 4606 جۇمىس ورنىن، ىسكە قوسۋ بارىسىندا 13231 جۇمىس ورنىن قۇرۋ جوسپارلانۋدا»، - دەپ اتاپ وتكەن ۆەدومستۆودان.
قازىرگى ساتتە ي ي د م ب ەكىنشى بەسجىلدىعى اياسىندا ماشينا جاساۋ سالاسىنىڭ 39 جوباسىن جۇزەگە اسىرۋ جوسپارلانىپ وتىر.
اۆتور: مارلان جيەمباي