بوكس: رومان جايلاۋوۆ كەلەسى جەكپە- جەگىن 13 - ساۋىردە يوحاننەسبۋرگتە وتكىزەدى
08:12, 18 - ناۋرىز 2015
استانا. قازاقپارات - كاسىبي رينگتە جارتىلاي ورتا سالماقتا ونەر كورسەتەتىن 20 جاستاعى قازاقستاندىق بوكسشى رومان جايلاۋوۆ ءوزىنىڭ كەلەسى جەكپە-جەگىن 13 - ساۋىردە يوحاننەسبۋرگتە (و ا ر) وتكىزەدى.
بۇل تۋرالى Boxingnews.kz سايتى جازدى.
ازىرگە قازاقستاندىقتىڭ قارسىلاسى بەلگىسىز بولىپ وتىر. ر. جايلاۋوۆ كاسىبي بوكستا 13 جەكپە- جەك وتكىزىپ، بارىندە دە جەڭىسكە جەتكەن. ونىڭ سەگىزىن ۋاقىتىنان بۇرىن اياقتادى.
ەسكە سالا كەتسەك، جايلاۋوۆ 27 - اقپاندا ەكاتەرينبۋرگتە كەزەكتى رەيتينگتىك كەزدەسۋىندە 32 جاستاعى رەسەيلىك سپورتشى ۆياچەسلاۆوم ياكوۆەنكومەن جۇدىرىقتاسۋى ءتيىس بولاتىن.
ءبىراق قازاقستاندىق بوكسشى جاراقاتىنا بايلانىستى رينگكە شىعا المادى، دەپ حابارلايدى vesti.kz.