جاستاردىڭ نەكەسى، جاڭا ءىستىڭ باستاۋى، ءسات ساپارعا اتتانۋ، جاڭا جۇمىسقا شىعۋ سياقتى يگى ىستەر ايدىڭ 13- جۇلدىزىنا مۇلدە ورنالاستىرىلمايدى. تەڭىز ساپارىنا ايدىڭ 13- كۇنى شىقپايدى. ءتىپتى پاريج قالاسىنداعى مەيرامحانالاردا 14- ءنومىرلى كاسىبي قوناق ازىرلەنەدى ەكەن. مەيرامحاناعا كەلۋگە ءتيىستى 14- قوناق كەلمەي قالسا نەمەسە كەشىگىپ قالىپ ۇستەلدە 13 بولىپ قالسا، الگى كاسىبي قوناق بوس قالعان ورىندى تولىقتىرۋعا مىندەتتى.
رۋزۆەلت ءوز كەزىندە حاتشىسى كريس تۋريدى 14- ادام رەتىندە پايدالانادى ەكەن. ول اق سارايداعى قوناقاسى داستارحانىنا ءارقاشان ەڭ سوڭعى مينۋتتا 14- ءنومىرلى قوناق رەتىندە شاقىرىلىپتى.
باتىستىقتار «13» سانىنان نە ءۇشىن وسىنشا قورقىپ، ىرىمدايدى؟ مۇنىڭ سەبەبىن بۇلدىراپ ارتتا قالعان سوناۋ ەسكى زامانداردان قاراستىرۋعا تۋرا كەلەدى. ونىڭ تۇرمىستىق، ءدىني دە سەبەپتەرى بار. ايتىلىمدارعا قاراعاندا، العاشقى ادامدار سان ساناعاندا 10 ساۋساق جانە ەكى اياق ارقىلى ساناۋدى عانا بىلگەندىكتەن، 12 گە دەيىنگى سانداردى عانا ساناي العان. سونىمەن، «13» سانى بايىبىنا بارعىسىز قورقىنىشتى سانعا اينالىپ قالعان. ەرتە زاماندا گرەكيانىڭ ماتەماتيكتەرى «13» دەگەن سيفردان ولەردەي مەزى بولعان ەكەن، ويتكەنى، ول «ءبۇتىن سان» ەمەس. ىنجىلدە حاۋا انا مەن ادام اتانىڭ جەۋگە تىيىم جەمىستى ۇرلاپ جەگەن كۇنى ءدال ايدىڭ 13 ءى دەپ جازىلعان. ءريمنىڭ اۋىزشا تاريحىندا: «باقسىلار 12 ادامدىق جينالىس جاسايدى. 13- ادام الباستى سانالادى» دەلىنگەن.
مۇنان بولەك، «13» سانىنىڭ ىرىمدالۋىنىڭ قايسا پايعامبارمەن دە بايلانىسى بار دەگەن تۇجىرىم ايتىلادى. ءىنجىل دەرەكتەرىندە قايسا دارعا اسىلىپ ولتىرىلەر قارساڭىندا ءوزىنىڭ 12 شاكىرتىن كەشكى اسقا شاقىرعان. وسى «ەڭ سوڭعى كەشكى اسقا» قاتىسقان 13 ادامنىڭ ىشىندەگى ءبىر ەۆرەي ساتقىندىق جاساپ، 30 جارماق كۇمىس اقشاعا بولا قايسا پايعامباردى سىرتىنان ساتىپ جىبەرگەن. وسىدان سوڭ قايسا ءدال 13- كۇنى دارعا اسىلىپتى.
ەرتە زاماندا باس الاتىن جەندەتتەردىڭ اقىسىنا 13 دوللار اقشا بەرىلەدى ەكەن. ال دار اعاشىنا شىعاتىن باسپالداقتىڭ سانى دا 13 بولعان...
مىنە، تاريحتاعى وسىنشاما كوپ اڭىز سەبەبىنەن «13» سانى باتىس جۇرتشىلىعىنىڭ جۇرەگىنە «ۇرەيلى سان» بولىپ ورناعان.
دايىنداعان: سۇڭقار اقبوز
massaget.kz