جامبىل وبلىسىندا 138 كوشە مەن 2 ەلدى مەكەننىڭ اتى اۋىسادى
14:55, 10 - قاراشا 2018
تاراز. قازاقپارات - جامبىل وبىلىسىندا 138 كوشە مەن ەلدى مەكەننىڭ اتى اۋىسادى.
بۇل تۋرالى وبلىس اكىمدىگى جانىنداعى ونوماستيكا كوميسسياسىنىڭ كەزەكتى وتىرىسىندا ءمالىم ەتىلدى، دەپ حابارلايدى قازاقپارات.
وتىرىس بارىسىندا اكىمشىلىك-اۋماقتىق بىرلىكتەر مەن ولاردىڭ قۇرامداس بولىكتەرىنە اتاۋ بەرۋ جانە قايتا اتاۋ ماسەلەسى بويىنشا اۋدان اكىمدىكتەرىنەن تۇسكەن 138 ۇسىنىس قارالىپ، شەشىم قابىلداندى.
ولاردىڭ ىشىندە بايزاق اۋدانىنان - 2، جامبىل اۋدانىنان - 46، سارىسۋ اۋدانىنان - 3، شۋ اۋدانىنان - 83 كوشەنىڭ جانە مەركى اۋدانىندا 2 ەلدى مەكەننىڭ اتاۋىن وزگەرتۋ ماسەلەسى بار.
ايتا كەتۋ كەرەك، اتاۋىن وزگەرتۋ ۇسىنىلعان 138 كوشە مەن ەلدى مەكەننىڭ كوبى يدەولوگيالىق تۇرعىدان ماعىناسى ەسكىرگەندەر بولسا، ولاردىڭ دەنى تاريحي اتاۋلارىمەن قايتا اتالماق.