ۇ ب ت تاپسىرعان 137 بالا گرانتتان ايىرىلدى: تەستىلەۋ ورتالىعى سەبەبىن ءتۇسىندىردى
بۇل تۋرالى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ءمالىم ەتتى، دەپ حابارلايدى قازاقپارات ءتىلشىسى.
«ۇ ب ت-2022 اياقتالدى، ءبىراق ونىڭ بەينەجازبالارىن تەكسەرۋ ءالى دە جالعاسىپ جاتىر!
قازىرگى تاڭدا بەينەجازبالاردى قايتا قاراۋ قورىتىندىسى بويىنشا 153 تەستىلەنۋشىنىڭ ۇ ب ت ناتيجەلەرى جويىلدى، ولاردىڭ 137 ءسى ءبىلىم بەرۋ گرانتىنىڭ يەگەرى بولعان ەدى»، - دەپ جازدى ول Instagram-پاراقشاسىندا.
ايتۋىنشا، اتالعان تالاپكەرلەردىڭ ءبارىنىڭ گرانت تۋرالى كۋالىكتەرى جارامسىز دەپ تانىلعان. ال ولقىلىققا جول بەرگەن ۇلتتىق تەستىلەۋ ورتالىعىنىڭ قىزمەتكەرلەرىنىڭ ۇستىنەن تەكسەرىس جۇرگىزىلىپ، ءتيىستى مەملەكەتتىك ورگاندارعا حاتتار جولدانىپ جاتىر.
ونىڭ مالىمەتى بويىنشا، بيىل 327 تۇلەك تەستىلەۋگە كىرگىزۋ كەزىندە تىيىم سالىنعان زاتتاردى الىپ ءوتۋ ارەكەتى سالدارىنان ۇ ب ت تاپسىرۋ مۇمكىندىگىنەن ايىرىلعان. ەرەجەلەردى بۇزعانى ءۇشىن تەستىلەۋ كەزىندە اۋديتوريادان 322 ادام شىعارىلعان.
«قۇرمەتتى 2023-جىلعى تالاپكەرلەر! مىنە، سىزدەر ءۇشىن جاۋاپتى كەزەڭ باستالدى. سەبەبى الدا ەمتيحاندار مەن ۇ ب ت تاپسىراسىزدار. سىزدەر بىلىمدەرىڭىز بەن ەڭبەكتەرىڭىزدىڭ ارقاسىندا ۇ ب ت- دا جوعارى ناتيجە كورسەتىپ، الدىڭعى بۋىننىڭ قاتەلىكتەرىن قايتالامايسىزدار دەپ سەنەمىز»، - دەپ جازدى رۋسلان ەمەلبايەۆ.