سەنات دەپۋتاتتارىن سايلاۋعا بيۋدجەتتەن 136 ميلليون تەڭگە بولىنگەن
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ ءمالىم ەتتى.
«جالپى سەنات سايلاۋىنا كانديداتۋرانى ۇسىنۋ - وتە ماڭىزدى ءارى جاۋاپتى قادام. سايلاۋ ناۋقانىنىڭ اتالمىش كەزەڭى اعىمداعى جىلدىڭ 31 - تامىزعا دەيىن جالعاسادى. كانديداتتاردى تىركەۋ 11 - قىركۇيەككە دەيىن بولادى» ، - دەپ اتاپ ءوتتى ول.
ونىڭ سوزىنە قاراعاندا، سايلاۋالدى ناسيحات 2014 - جىلدىڭ 12 - قىركۇيەگىنەن 19 - قىركۇيەكككە دەيىن وتپەك. داۋىس بەرۋ، داۋىس ساناۋ جانە ناتيجەلەردى جاريالاۋ وبلىستىق، استانا مەن الماتى قالالىق سايلاۋ كوميسسيالارىمەن ءبىر كۇندە - 1 - قازاندا وتكىزىلەدى.
«و س ك سوڭعى قورىتىندى ناتيجەلەرىن 2014 - جىلدىڭ 7 - قازانىندا جاريالايدى. دايىندىق ماسەلەسىنە كەلەتىن بولساق، سايلاۋ ورگاندارى بارلىق ماتەريالدىق- تەحنيكالىق جانە قارجىلىق رەسۋرستارمەن قامتاماسىز ەتىلگەن. ق ر پارلامەنتى سەناتىنىڭ دەپۋتاتتارىن سايلاۋ ناۋقانىنا رەسپۋبليكالىق بيۋدجەتتەن 136 ميلليون تەڭگە ءبولىندى. ءتيىستى نورماتيۆتىك جانە ادىستەمەلىك بازا جاساقتالدى» ، - دەدى ول.
اۆتور: قانات مامەتقازى ۇلى