وتكەن جىلى استانادا جاياۋ جۇرگىنشىلەردىڭ كىناسىنەن 135 جول اپاتى بولعان

استانا. قازاقپارات - ەلوردالىق پوليسيا دەپارتامەنتى پاترۋلدىك پوليسيا پولكى شتابىنىڭ باستىعى اۋەسحان ءتاجىعۇلوۆ بىلتىرعى جول- كولىك وقيعاسى ستاتيستيكاسىن باياندادى، دەپ حابارلايدى قازاقپارات ءتىلشىسى.

«وتكەن جىلدىڭ 12 ايىندا ەلوردادا 683 جول- كولىك وقيعاسى تىركەلىپ، 28 ادام قازا تاپتى، 2021 -جىلى - 557 جول اپاتى بولىپ، 35 ادام قازا تاپقان، ءبىر جىلدا ءولىم- ءجىتىم تومەندەدى. 2022 -جىلى جول اپاتىنان 750 ادام جاراقات السا، 2021 -جىلى - 595 ادام، مۇندا & ءوسىم بار. جول اپاتىنان زارداپ شەككەندەرگە تالداۋ جاسالدى، وسىلايشا جۇرگىزۋشىلەردىڭ كىناسىنەن - 548 ج ك و بولعان (+1)، وندا 20 ادام قازا تاۋىپ، 620 ادام زارداپ شەكتى. 2021 -جىلى - 470 ج ك و بولعان ەدى»، - دەدى اۋەسحان ءتاجىعۇلوۆ ەسىل اۋدانىنىڭ پوليتسيا دەپارتامەنتىندە وتكەن بريفينگتە.

سونداي- اق، جاياۋ جۇرگىنشىلەردىڭ كىناسىنەن 135 جول- كولىك وقيعاسى بولعان، وندا 8 ادام قازا تاۋىپ، 130 ادام ءتۇرلى دارەجەدە دەنە جاراقاتىن الدى. 2021 -جىلى 13 ادام مەرت بولىپ، 125 ادام جاراقات العان.

ايتا كەتەيىك، جىل باسىنان بەرى ەلوردادا 6 مىڭعا جۋىق جول ەرەجەسىن بۇزۋ جاعدايى انىقتالدى، 80 جۇرگىزۋشى ماس كۇيىندە ۇستالدى. ماس كۇيىندە بىرنەشە رەت ۇستالعان كولىك جۇرگىزۋشىلەرىنە قىلمىستىق ءىس قوزعالادى.