وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ماماندارىنىڭ مالىمەتىنشە، جىل باسىنان بەرى وڭىرگە شەتەلدەن 95 وتباسى كوشىپ كەلگەن. بۇل وتباسىلاردا 133 ەتنيكالىق قازاق بار.
«قازاقستان رەسپۋبليكاسىندا تۇراقتى تۇرۋ ماقساتىمەن قونىس اۋدارعان ەتنيكالىق قازاقتار قانداس مارتەبەسىن الدى. ونىڭ ىشىندە وزبەكستان رەسپۋبليكاسىنان 88 وتباسى (124 ادام)، قىتاي حالىق رەسپۋبليكاسىنان 5 وتباسى (7 ادام) جانە رەسەي فەدەراتسياسىنان 2 وتباسى (2 ادام) بار. ولاردىڭ اراسىنان 116 مۇشەسى بار 81 وتباسى اتىراۋ قالاسىنا، 12 وتباسىنىڭ 15 ادامى جىلىوي اۋدانىنا، ال، ماقات اۋدانىنا 2 وتباسى (2 ادام) قونىستاندى»، - دەپ حابارلادى باسقارما ماماندارى.
ەسكە سالا كەتەلىك، بۇدان بۇرىن اتىراۋ وبلىسىنا 50-گە جۋىق ەتنيكالىق قازاق كوشىپ كەلگەنىن حابارلاعان ەدىك.
اۆتور: بەك مۇستافا