نۇر-سۇلتاندا 13363 نىسان «Ashyq» جوباسىنا قاتىسىپ جاتىر

نۇر-سۇلتان. قازاقپارات - نۇر-سۇلتان قالاسى اكىمىنىڭ ورىنباسارى اسحات ورالوۆ كوروناۆيرۋسقا قاتىستى ەلورداداعى ەپيدەميولوگيالىق جاعدايدى باياندادى، دەپ حابارلايدى قازاقپارات.

«بيىلعى 26- اقپان مەن 6- قازان ارالىعىندا نۇر-سۇلتان قالاسىندا «Ashyq» جوباسىنا - 13363 نىسان قاتىسۋدا، ونىڭ ىشىندە 1904 قاتىسۋشى جانە 11459 ەرىكتى قاتىسۋشىلار (كاسىپكەرلىك سۋبەكتىلەرى، مەملەكەتتىك ورگاندار، ءبىلىم بەرۋ، دەنساۋلىق ساقتاۋ نىساندارى، ونەركاسىپتىك جانە كوممۋنالدىق كاسىپورىندار جانە ت. ب.) بار. «Ashyq كوشباسشىسى» مارتەبەسى بار 294 كاسىپكەرلىك سۋبەكتىسى تىركەلگەن»، - دەدى ا. ورالوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، مونيتورينگتىك توپتار 2021-جىلدىڭ 20- مامىرىنان باستاپ «Ashyq» قاتىسۋشىلارىنىڭ 15725 نىسانىن تەكسەردى. 574 نىساندا شەكتەۋ شارالارىن، ونىڭ ىشىندە كارانتيندى بۇزۋ فاكتىلەرى انىقتالدى.

«قازىرگى ۋاقىتتا كوروناۆيرۋس ينفەكتسياسىنىڭ تارالۋىنا قارسى كۇرەس شەڭبەرىندە وسى جۇيەنى شوب وبەكتىلەرىندە، مەملەكەتتىك مەكەمەلەر مەن ءبىلىم بەرۋ جۇيەسىنە ەنگىزۋ جالعاسۋدا»، - دەدى ا. ورالوۆ.