الاشتىڭ اقيىق اقىنى ماعجان جۇماباي ۇلىنىڭ 130 جىلدىعىنا ارنالعان حالىقارالىق ءمۇشايرا
ءمۇشايرانىڭ ماقساتى
الاشتىڭ اقيىعى، قازاق ادەبيەتى مەن تاريحىندا وشپەس ءىز قالدىرعان ءبىرتۋار اقىن، تۇران تۇلعاسى ماعجان جۇماباي ۇلىنىڭ رۋحىن اسقاقتاتىپ، ونىڭ ەلىمىزدىڭ مادەنيەتى مەن رۋحانياتىنا، ءسوز ونەرىنە قوسقان ولشەۋسىز اسىل قازىناسىن ارداقتاۋ. الاشتىڭ ازاتتىق ايقاسىنا قوسقان ۇلەسىن، تۇران تۇتاستىعى ءۇشىن كۇرەسىن ناسيحاتتاۋ! سونىمەن قاتار، قازاق بوستاندىعى ءۇشىن كۇرەسكەن الاش ارىستارىنىڭ رۋحىنا تاعزىم ەتۋ.
ءمۇشايراعا كەمىندە 3 ولەڭ قابىلدانادى.
ونىڭ ءبىرىنشىسى - ماعجان جۇماباي ۇلىنا ارنالعان جىر؛
ەكىنشىسى - الاش قوزعالىسى مەن ونىڭ قايراتكەرلەرىنىڭ ەرلىگىنە ارنالعان ولەڭ.
ءۇشىنشىسى - ەركىن تاقىرىپ.
باس جۇلدە بىرەۋ - 2000000 تەڭگە
ءبىرىنشى ورىن - 1000000 تەڭگە
ەكىنشى ورىن ەكەۋ - 600000 تەڭگەدەن.
ءۇشىنشى ورىن ۇشەۋ - 400000 تەڭگەدەن
ارناۋلى سىيلىقتار بەسەۋ - 200000 تەڭگەدەن.
(جۇلدە سانى كوبەيۋىنە بايلانىستى ورىنداردىڭ جۇلدە مولشەرى ازايۋى مۇمكىن)
شىعارمالاردى قابىلداۋ مەرزىمى ءۇش ايدىڭ ىشىندە - 2023 -جىلدىڭ 1-قاراشاسىنا دەيىن.
ءمۇشايرا قورىتىندىسى وتەتىن كۇنى مەن ورنى قوسىمشا حابارلانادى.
اۆتورلاردىڭ ولەڭدەرى ەلەكتروندى نۇسقادا قابىلدانادى.
شىعارمالار TimsNewRoman قارپى 14 كەگەلمەن باسىلۋ كەرەك. بولەك بەتتە اۆتوردىڭ ءومىربايانى، بايلانىس اقپاراتتارى (تەلەفون، ەل. پوشتا، مەكەن- جايى) كورسەتىلۋى شارت. سونىمەن قاتار، ۇمىتكەردىڭ 6*9 فوتوسۋرەتى قوسا جىبەرىلۋى قاجەت.
شىعارمالار qazaquni@mail.ru ەلەكتروندى پوشتاسى ارقىلى قابىلدانادى.
ءمۇشايراعا تۇسكەن جىرلاردى «تۇران» باسپاسىنان جەكە كىتاپ ەتىپ شىعارۋ جوسپارلانۋدا.
ءمۇشايراعا قاتىسۋشىلاردىڭ جاس مولشەرى شەكتەلمەيدى.
قازىلار القاسىنىڭ شەشىمى قايتا قاراۋعا جاتپايدى.
قوسىمشا سۇراقتار بويىنشا بايلانىس تەلەفونى: 77029318986+
ۇيىمداستىرۋ القاسى