اتىراۋداعى130 اۋىل جىلدامدىعى جوعارى ينتەرنەتكە قوسىلدى
وبلىستىق يندۋستريالىق- يننوۆاتسيالىق دامۋ باسقارماسى باسشىسىنىڭ مىندەتىن اتقارۋشى قارلىعاش بەكبايەۆا مالىمەتىنە سۇيەنسەك، مۇنايلى وڭىردە 153 ەلدىمەكەن بار. ونىڭ ىشىندە «تالشىقتى- وپتيكالىق بايلانىس جەلىلەرى تەحنولوگياسى بويىنشا اۋىلدىق ەلدى مەكەندەردە ينتەرنەت جەلىسىنە كەڭجولاقتى قولجەتىمدىلىكتى قامتاماسىز ەتۋ» جوباسىنا سايكەس 130 ەلدىمەكەنگە ينتەرنەت جەلىسى جۇرگىزىلگەن.
«اتىراۋ وبلىسىندا بۇعان دەيىن 250 دەن استام تۇرعىنى بار اۋىلدىق ەلدىمەكەندەرگە ينتەرنەتكە كەڭجولاقتى قولجەتىمدىلىكپەن قامتاماسىز ەتۋ باعدارلاماسىمەن 7 ەلدىمەكەنگە ينتەرنەت جەلىسى جۇرگىزىلدى. بۇل - يندەر اۋدانىنىڭ جارسۋات، قۇرىلىس، وركەن، يساتاي اۋدانىنىڭ نارىن، جاڭا جانباي، قۇرمانعازى اۋدانىنىڭ شاعىرلى، ع. ءالىپوۆ اۋىلدارى. اتالعان اۋىلدار كسەلل بايلانىس وپەراتورىنىڭ 3G جانە 4G تەحنولوگياسى بويىنشا موبيلدىك ينتەرنەتپەن قامتاماسىز ەتىلدى. ال، بىلتىرعى جەلتوقسان ايىندا قۇرمانعازى اۋدانىنىڭ جامبىل جانە افاناسيەۆ ەلدىمەكەندەرى ينتەرنەت جەلىسىنە قوسىلدى»، - دەپ حابارلادى قارلىعاش بەكبايەۆا.
ونىڭ ايتۋىنا قاراعاندا، بيىل اتىراۋ قالاسىنداعى بىرنەشە شاعىن اۋدانىندا كەڭجولاقتى ينتەرنەت جەلىسى جاڭارتىلادى. ناقتىلاي ايتقاندا، «كار- تەل» ج ش س ەركىنقالا-2 اقجار، اقجار-2 جۇلدىز-3 شاعىن اۋداندارىندا جاڭا بازالىق ستانتسيالاردىڭ قوسىمشا قۇرىلىسىن سالۋدى جوسپارلاپ وتىر.
ەسكە سالا كەتەلىك، بۇعان دەيىن اتىراۋدا جىل سوڭىنا دەيىن 72 كوشەگە ديودتى جارىق شام ورناتىلاتىنىن حابارلاعان بولاتىنبىز.