اقتوبەدە 130 دان استام قارۋ جويىلدى
08:54, 17 - ناۋرىز 2022
اقتوبە. قازاقپارات - اقتوبە وبلىستىق پوليتسيا دەپارتامەنتىنىڭ قىزمەتكەرلەرى 130 دان استام قارۋدى پەشتە بالقىتتى، دەپ حابارلايدى قازاقپارات ءتىلشىسى.
پوليتسيا قىزمەتكەرلەرى 131 دانا تەگىس ۇڭعىلى قارۋدى پەشتە جويدى. ونىڭ 109 ى اڭشى قارۋى، 21 ى گاز جانە جاراقات سالاتىن تاپانشا، سونىمەن قاتار ءبىر ەلەكتروشوكەر. يەلەرى ءوز ەركىمەن تاپسىرعان اڭشى مىلتىقتارى جانە سوت شەشىمى بويىنشا جويىلۋعا جاتاتىن قىلمىسكەرلەردەن الىنعان قارۋ بالقىتىلدى.
«قارۋدى پەشكە جىبەرمەس بۇرىن، كوميسسيا سالىستىرۋ جۇرگىزدى. سودان كە̆ىن عانا قارۋ قايتا بالقىتۋعا جىبەرىلدى. ارنايى قۇرىلعان كوميسسيا قۇرامىنا پوليتسيا دەپارتامەنتىنىڭ، پروكۋراتۋرانىڭ جانە ورگان قىزمەتكەرلەرى كىردى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.