ماڭعىستاۋدا بەس ايدا 1300 دەي اۋىر قىلمىس تىركەلدى
بۇل تۋرالى قوعامدىق قاۋىپسىزدىككە بايلانىستى جيىندا پوليتسيا دەپارتامەنتىنىڭ باسشىلىعى مالىمدەدى.
جالپى، زاڭسىز اينالىمىنان بارلىعى 100 دەن استام ەسىرتكى تۇرلەرى تاركىلەنىپ، ناۋرىز ايىندا ەسىرتكى جەتكىزۋ جانە ساتۋمەن اينالىسقان قىلمىستىق توپتىڭ جولى كەسىلدى.
وبلىس اكىمىنىڭ تاپسىرماسىنا سايكەس، وڭىردەگى ويىن مەكەمەلەرىنىڭ قىزمەتتەرىنە تەكسەرۋ جۇرگىزىلىپ، زاڭسىز جۇمىس ىستەگەن 61 بۋكمەكەرلىك كەڭسە انىقتالعان. سالدارىنان كوپتەگەن قىلمىس تىركەلگەن.
5 ايدىڭ قورىتىندىسىنا سايكەس، قىلمىس سانى %5,5 تومەندەگەن. اۋىر قىلمىس %7,4 جانە اسا اۋىر قىلمىس ,3 ازايعان.
سونىمەن قاتار، وڭىردە قاراقشى شابۋىلى، توناۋ، بوتەن مۇلىكتى ۇرلاۋ، ونىڭ ىشىندە مال ۇرلىعى، بۇزاقىلىق سىندى قىلمىستار دا بىرنەشە پايىزعا تومەندەگەن.
سونداي-اق، جيىندا جول قاۋىپسىزدىگى، قۇقىق بۇزۋدىڭ الدىن الۋ، قوعامدىق ءتارتىپتى ساقتاۋدى قامتاماسىز ەتۋگە بايلانىستى جەرگىلىكتى پوليتسيا قىزمەتىنىڭ جۇمىستارى تالقىلانىپ، جەدەل ىزدەستىرۋ قىزمەتى، قىلمىستاردى اشۋ جانە زاڭسىز ەسىرتكى اينالىمىنىڭ جولىن كەسۋ، تەرگەۋ مەن انىقتاۋ قىزمەتىنىڭ ساپاسىن كوتەرۋ ماسەلەلەرى جان- جاقتى قارالدى.