تونىكوك ەسكەرتكىشىنىڭ 1300 جىلدىعى اتالىپ وتىلەدى
20:49, 02 - مامىر 2019
نۇر- سۇلتان. قازاقپارات - 2020 -جىل تونىكوك ەسكەرتكىشىنىڭ 1300 جىلدىعىنا ارنالاتىن بولدى.
قۋانىشتى حاباردى بۇگىن UNESCO- دان حالىقارالىق تۇركى اكادەمياسىنىڭ پرەزيدەنتى، «ەگەمەن قازاقستان» رەسپۋبليكالىق گازەتى» اكسيونەرلىك قوعامىنىڭ باسقارما ءتوراعاسى دارحان قىدىرالى جەتكىزدى دەپ حابارلايدى قازاقپارات.
«UNESCO- دان ءسۇيىنشى حابار: كەلەسى 2020 -جىل تۇگەل تۇركىنىڭ ابىزى تونىكوك بابامىزدىڭ جازبا ەسكەرتكىشىنىڭ 1300 جىلدىعىنا ارنالادى. قۇتتى بولسىن!» ، - دەپ جازدى دارحان قىدىرالى ءوزىنىڭ فەيسبۋكتەگى پاراقشاسىندا.
ايتا كەتەيىك، وسىعان دەيىن ارحەولوگتار موڭعولياداعى تونىكوك ەسكەرتكىشىنىڭ ماڭايىنان 1300 جىل بۇرىنعى ساۋساق ىزدەرىن تاپقاندىعىن جازعان بولاتىنبىز.