كەلەسى جىلى رەسپۋبليكالىق بيۋجەت كىرىسى 13,9 تريلليون تەڭگە بولادى
بۇل تۋرالى بۇگىن ءماجىلىس وتىرىسىندا ق ر ۇلتتىق ەكونوميكا ۆيتسە-ءمينيسترى ازامات ءامرين ايتتى، دەپ حابارلايدى قازاقپارات ءتىلشىسى.
«رەسپۋبليكالىق بيۋجەت پەن ۇلتتىق قوردىڭ كەلەسى ءۇشجىلدىققا ارنالعان پارامەترلەرىن قالىپتاستىرۋ كەزىندەگى نەگىزگى لەيتموتيۆ مەملەكەت باسشىسىنىڭ ۇنەمدى جانە جاۋاپتى بيۋجەت ساياساتى تۇجىرىمداماسىن قامتاماسىز ەتۋ بويىنشا قويعان مىندەتتەرىن ىسكە اسىرۋ بولدى. وسىلايشا، 2023-2025-جىلدارعا ارنالعان رەسپۋبليكالىق بيۋجەتتىڭ پارامەترلەرى بيۋجەت ساياساتىنىڭ كىرىس بازاسىن تولىقتىرۋدىڭ جاڭا كوزدەرىن جيناقتاۋ جانە بيۋجەت شىعىستارىن الەۋمەتتىك-ەكونوميكالىق دامۋدىڭ باسىم باعىتتارىنا شوعىرلاندىرۋ باعدارىن ەسكەرە وتىرىپ ايقىندالعان. سونداي-اق كەڭەيتىلگەن شوعىرلاندىرىلعان بيۋجەتتى جانە بيۋدجەتتىك تاۋەكەلدەر تۋرالى، مەملەكەتتىك قارجىنىڭ ۇزاقمەرزىمدى تۇراقتىلىعى تۋرالى ەسەپتى ەنگىزۋ بويىنشا قابىلدانعان جاڭالىقتار دا يمپلەمەنتاتسيالانعان. مەملەكەتتىك قارجىنى باسقارۋدىڭ 2030-جىلعا دەيىنگى تۇجىرىمداماسى ازىرلەندى. وندا مەملەكەتتىك قارجى جۇيەسىن ودان ءارى دامىتۋدىڭ نەگىزگى تاسىلدەرى ايقىندالعان»، - دەدى ۆيتسە-مينيستر.
ونىڭ اتاپ وتۋىنشە، 2023-جىلى رەسپۋبليكالىق بيۋجەتتىڭ كىرىسى بولجام بويىنشا وسى جىلدىڭ ناقتىلانعان جوسپارىنان 37 پايىزعا ءوسىپ، 13,9 تريلليون تەڭگە نەمەسە ج ءى ءو- گە قاتىستى 11,5 پايىز بولدى.
جوسپارلى كەزەڭدە ولاردىڭ 2025-جىلعا قاراي 16,3 تريلليون تەڭگەگە دەيىن ءوسىمى كۇتىلەدى.
«رەسپۋبليكالىق بيۋجەتكە تۇسەتىن قوسىمشا تۇسىمدەر كىرىس بازاسىن كەڭەيتۋ جانە سالىقتىق اكىمشىلەندىرۋدى جاقسارتۋ، سونداي-اق كولەڭكەلى ەكونوميكانىڭ ۇلەسىن ازايتۋ بويىنشا ۇكىمەت قابىلداپ وتىرعان ءىس-شارالار ەسەبىنەن قامتاماسىز ەتىلەدى»، - دەدى ول.
ازامات ءامرين دەرەگىنشە، بيۋجەتتىڭ مەنشىكتى قاراجاتىنىڭ ۇلەسى ءۇش جىلدىق كەزەڭدە 2023-جىلعى 70 پايىزدان 2025-جىلى 75 پايىزعا دەيىن ارتادى.
«رەسپۋبليكالىق بيۋجەت شىعىستارى 2023-جىلعى 21 تريلليون تەڭگەدەن 2025-جىلى 22,7 تريلليون تەڭگەگە دەيىن بىرتىندەپ ۇلعايادى دەپ بولجانۋدا. ج ءى ءو- گە قاتىستى ولاردىڭ 2023-جىلعى 17,4 پايىزدان 2024-2025-جىلدارى 16-15,5 پايىزعا دەيىن تومەندەۋى بولجامدالعان. تۇتاستاي العاندا، كونترتسيكلدىق بيۋجەت قاعيداسىن قولدانۋ رەسپۋبليكالىق بيۋجەت شىعىستارىنىڭ ءوسۋ قارقىنىن جوسپارلى كەزەڭدە ج ءى ءو- گە قاتىستى 16,4 پايىز دەڭگەيىندە تۇراقتاندىرۋدى قامتاماسىز ەتەدى. وسى شىعىستار ءليميتى اياسىندا ستراتەگيالىق جانە بيۋجەتتىك جوسپارلاۋدىڭ ءوزارا بايلانىسىن بىرتىندەپ كۇشەيتە وتىرىپ، شىعىستاردى الەۋمەتتىك-ەكونوميكالىق دامۋدىڭ باسىم باعىتتارىنا شوعىرلاندىرۋ قامتاماسىز ەتىلەدى. ماسەلەن، 2023-2025-جىلدارعا ارنالعان رەسپۋبليكالىق بيۋجەت جوباسى بويىنشا ستراتەگيالىق باعىتتاردى ىسكە اسىرۋعا ارنالعان رەسپۋبليكالىق بيۋجەت شىعىستارىنىڭ ۇلەسى مەملەكەتتىك ورگانداردىڭ ەرەجەسىندە ايقىندالعان وزگە دە مىندەتتەردى شەشۋگە باعىتتالعان تۇراقتى سيپاتتاعى شىعىستاردى قوسپاعاندا، شىعىستاردىڭ جالپى كولەمىنىڭ 60 پايىزىنا جەتەدى»، - دەدى ۆيتسە-مينيستر.