بۇل تۋرالى ول استاناداعى ەلشىلىكتە وتكەن بريفينگىدە ءمالىم ەتتى.
ەلشى ءسوزىنىڭ باسىندا قازاقستان پرەزيدەنتى قاسىم-جومارت توقايەۆتىڭ بۇگىن ەلشىلىككە كەلىپ، كوڭىل ايتقانىن ەسكە سالدى. سونداي-اق، ول تۇركياداعى قازىرگى احۋالى تۋرالى رەسمي مالىمەت بەرۋ ءۇشىن وسى بريفينگىنى ۇيىمداستىرعاندارىن اتادى.
«سوڭعى رەت تۇركيادا وسىنداي جويقىن جەر سىلكىنىسى 100 جىلداي ۋاقىت بۇرىن بولعان ەدى. اقپارات تۇسكەن ساتتەن باستاپ ەل پرەزيدەنتى، باسقا دا ۇكىمەت وكىلدەرى قاجەتتى ۇيىمداستىرۋ جۇمىستارىن دەرەۋ قولعا الدى. تۇركيادا بارلىعى 648 سىلكىنىس تىركەلگەن.
بۇل سىلكىنىستەر ەلدەگى 10 پروۆينسياعا اسەر ەتكەن. بۇل پروۆينتسيالاردا 13,5 ميلليونعا جۋىق ادام تۇرادى. جەر سىلكىنىستەرىنىڭ اۋقىمى 1 مىڭ شارشى شاقىرىمعا جۋىق»، - دەدى ەلشى.
بۇگىن پرەزيدەنت قاسىم-جومارت توقايەۆ تۇركيا رەسپۋبليكاسىنىڭ قازاقستانداعى ەلشىلىگىنە كەلىپ، باۋىرلاس ەلدىڭ وڭتۇستىك- شىعىسىندا بولعان الاپات ءزىلزالا سالدارىنان مىڭداعان ادامنىڭ قازا تابۋىنا بايلانىستى كوڭىل ايتتى.
انادولۋ اگەنتتىگىنىڭ مالىمەتىنشە، تۇركياداعى ەكى جويقىن جەر سىلكىنىسىنەن قازا تاپقاندار سانى 6234 كە جەتىپ، 37011 ادام جاراقات العان.
سوڭعى مالىمەتتەر بويىنشا، تۇركيادا ءۇش قازاقستاندىق ىزدەستىرىلىپ جاتىر.