بۇل تۋرالى ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا ايتىپ بەردى، دەپ حابارلايدى قازاقپارات ءتىلشىسى.
«ينفەكتسيا جۇقتىرعان مەديتسينالىق قىزمەتكەرلەر اراسىندا اۋىر حالدە جاتقاندار جوق. قازىرگى ۋاقىتتا قازاقستاننىڭ 13 وڭىرىندە 370 مەديتسينالىق قىزمەتكەردىڭ كوروناۆيرۋس ينفەكتسياسىن جۇقتىرۋ جاعدايى تىركەلدى.
اسىرەسە، الماتى قالاسىندا - 197، نۇر-سۇلتان - 92، س ق و - 15، اتىراۋ وبلىسىندا - 17 مەديتسينالىق قىزمەتكەر اۋرۋ جۇقتىرعان»، - دەدى ۆيتسە-مينيستر ورتالىق كوممۋنيكاتسيالار قىزمەتىندە وتكەن بريفينگتە.
ونىڭ ايتۋىنشا، كوروناۆيرۋس ينفەكتسياسىن جۇقتىرعانداردىڭ 28 پايىزى - دارىگەرلەر، 48 پايىزى - مەدبيكەلەر جانە 23 پايىزى - كىشى مەديتسينالىق قىزمەتكەرلەر.