كورسەتكىش وتكەن جىلعى وسى كەزەڭمەن سالىستىرعاندا 13,1 پايىزعا ارتىق. بۇل تۋرالى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ باسپا ءسوز قىزمەتىنەن حابارلاندى.
«2016-جىلعى ماۋسىمدا تۇرعىن ءۇيدى ساتىپ الۋ-ساتۋدىڭ تىركەلگەن مامىلەلەرىنىڭ سانى 17150 قۇرادى. بۇل وتكەن ايمەن سالىستىرعاندا 10,4 پايىزعا جوعارى. سونىمەن قاتار، 2016-جىلعى قاڭتار-ماۋسىمدا تۇرعىن ءۇيدى ساتىپ الۋ-ساتۋ مامىلەلەرىنىڭ سانى 87867 قۇراپ، وتكەن جىلعى ءتيىستى كەزەڭمەن سالىستىرعاندا 13,1 پايىزعا ارتتى»، - دەلىنگەن باسپا ءسوز بايانىندا.
جالپى العاندا، تۇرعىن ۇيلەردى ساتىپ الۋ-ساتۋ مامىلەلەرىنىڭ سانى ەڭ كوپ الماتى قالاسىندا تىركەلدى بۇل كورسەتكىش قالادا ماۋسىم ايىندا 2425 ءتى قۇرادى. بۇدان كەيىنگى ورىندا استانا قالاسى 2208 جانە قاراعاندى وبلىسى 1754 مامىلە بولىپ وتىر. ەسەپتى كەزەڭدە تۇرعىن ءۇي ساتىپ الۋ-ساتۋ مامىلەلەرىنىڭ سانى ەڭ از تىركەلگەن اتىراۋ وبلىسى، وندا وتكەن ءبىر اي ىشىندە ءۇي ساتۋعا قاتىستى 358 مامىلە عانا جاسالدى.
اۆتور: قانات مامەتقازى ۇلى