الماتىدا بيبىگۇل تولەگەنوۆانىڭ 12-حالىقارالىق ۆوكاليستەر كونكۋرسى باستالدى
ۇيىمداستىرۋشىلاردىڭ ايتۋىنشا، بايقاۋ قىركۇيەك ايىنىڭ 11 ءى مەن 17 ءسى ارالىعىندا اباي اتىنداعى ۇلتتىق اكادەميالىق وپەرا جانە بالەت تەاترىندا وتەدى.
«12- قىركۇيەك كۇنى ىرىكتەۋ تۋرىنا تىڭداۋ بولدى. ال 11 ءى كۇنى اباي اتىنداعى وپەرا جانە بالەت تەاترىندا بيبىگۇل تولەگەنوۆانىڭ 12-حالىقارالىق ۆوكاليستەر كونكۋرسىنىڭ اشىلۋ سالتاناتى ءوتتى. كەش قوناقتارى مەن كونكۋرسقا قاتىسۋشىلارىنا قازاقستاننىڭ جانە ك س ر و حالىق ءارتىسى، سوتسياليستىك ەڭبەك ەرى، قازاقستاننىڭ جانە ك س ر و مەملەكەتتىك سىيلىقتاردىڭ لاۋرەاتى، اكادەميك بيبىگۇل تولەگەنوۆا ىستىق لەبىزىن جەتكىزدى»، - دەپ اتاپ ءوتتى ۇيىمداستىرۋشىلار.
ليۋكسەمبۋرگتان ارنايى كەلگەن ءادىل قازى مۇشەسى، حالىقارالىق كونكۋرستاردىڭ لاۋرەاتى، الەمدىك وپەرا حانشايىمى ەلەنا زارەمبانىڭ ايتۋىنشا، بيبىگۇل تولەگەنوۆانىڭ حالىقارالىق ۆوكاليستەر كونكۋرسى - الەمدىك جانە جوعارى دەڭگەيلى جاستار ءۇشىن ەڭ كلاسسيكالىق مۋزىكا بايقاۋى.
«بۇل بايقاۋ جاڭا تالانتتارعا جول اشادى. قاتىسۋشىلارعا وزدەرىنىڭ شىعارماشىلىق الەۋەتىن پاش ەتۋگە مۇمكىندىك بەرەدى. كاسىبي تاجىربيەلىك تۇرعىدا وزدەرىنىڭ شەبەرلىكتەرىن شىڭدايتىن، كلاسسيكالىق ونەردە جوعارى دەڭگەيگە شىعۋعا جول اشاتىن الاڭ، ال ونەر جولىن جاڭا باستاپ كەلە جاتقان ورىنداۋشىلارعا العاشقى كاسىبي الاڭ دەۋگە بولادى»، - دەيدى ول.
بايقاۋعا قاتىسۋعا قازاقستاننىڭ بارلىق ءوڭىرى مەن 11 ەلدەن 73 ونەرپاز نيەت ءبىلدىردى. تالاپ بويىنشا كونكۋرسقا 1988-جىلدىڭ 1- قازانىنان كەيىن جانە 2004- جىلدىڭ 1- قازانىنا دەيىن دۇنيەگە كەلگەندەر قاتىسادى.
بايقاۋدا قاتىسۋشىلار ىرىكتەۋ جانە فينالدىق تۋرلاردان وتەدى. بارلىق تىڭداۋ اشىق وتكىزىلەدى. ورىنداۋشىلاردىڭ قاتىسۋ رەتتىلىگى جەرەبە ارقىلى انىقتالىپ، بايقاۋ اياقتالعانشا ساقتالادى. فينالعا 14 قاتىسۋشى جولداما الادى.
قاتىسۋشىلاردىڭ ونەرىن جوعارى مارتەبەگە يە كاسىبي قازىلار القاسى باعالايدى. ولاردىڭ قاتارىندا يتاليا، ليۋكسەمبۋرگ، چەحيا، ق ح ر جانە قازاقستاننىڭ الەمدىك دەڭگەيدەگى وپەرا ونەر مايتالماندارى بار.
12- حالىقارالىق ۆوكاليستەر كونكۋرسىنىڭ قازىلار القاسىنىڭ ءتوراعاسى ك س ر و جانە قازاقستاننىڭ حالىق ءارتىسى، سوتسياليستىك ەڭبەك ەرى، ك س ر و جانە قازاقستاننىڭ مەملەكەتتىك سىيلىقتارىنىڭ لاۋرەاتى، اكادەميك بيبىگۇل تولەگەنوۆا.