باتىس قازاقستان پوليتسياسى ءۇندىستاننىڭ 12 ازاماتىن ۇستادى
10:31, 12 - تامىز 2023
ورال. قازاقپارات - باتىس قازاقستان وبلىسىندا ءۇندىستاننان كەلگەن ءبىر توپ ادام ۇستالدى، دەپ حابارلايدى قازاقپارات polisia.kz-كە سىلتەمە جاساپ.
9- تامىز كۇنى ءبورلى اۋدانىنىڭ ءتارتىپ ساقشىلارى ءۇندىستان ەلىنىڭ 12 ازاماتىن ۇستادى. تەكسەرۋ بارىسىندا شەتەلدىكتەردىڭ 8 ىندە قازاقستان اۋماعىندا ۆيزاسىز بولۋ مەرزىمى ءوتىپ كەتكەنى انىقتالدى.
«اكىمشىلىك قۇقىقبۇزۋشىلىق تۋرالى كودەكستىڭ 517-بابى» شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى» بويىنشا جاۋاپكەرشىلىككە تارتۋ ءۇشىن 8 شەتەلدىككە قاتىستى ءىس سوتقا جولداندى. ۇستالعاندار قازاقستانعا تۋريست رەتىندە ۇشىپ كەلگەنى بەلگىلى بولدى»، - دەلىنگەن پوليتسيا مالىمەتىندە.