قازاقستاندا 12-ماۋسىم جالپى ۇلتتىق ازا تۇتۋ كۇنى بولىپ جاريالاندى
14:24, 11 - ماۋسىم 2023
سەمەي. قازاقپارات - مەملەكەت باسشىسى سەمەيدە ورمانشىلاردىڭ وتباسى- جاقىندارىمەن كەزدەسۋدە ەرتەڭ، 12-ماۋسىم ەلىمىزدە قارالى كۇن جاريالاناتىنىن جەتكىزدى، دەپ حابارلايدى قازاقپارات.
- وسى قايعىلى جاعدايعا كىنالىلەردىڭ ءبارى زاڭ بويىنشا جاۋاپقا تارتىلادى. دۇيسەنبى كۇنىن ەلىمىز بويىنشا جالپى ۇلتتىق ازا تۇتۋ كۇنى دەپ جاريالادىم. ءبىز قازا تاپقان ازاماتتاردى ەسكە الامىز. سابىر ساقتاپ، بەكەم بولىڭىزدار. قۇقىق قورعاۋ ورگاندارى مەن مينيسترلىكتەر تاراپىنان بولسىن، بارلىق سالا بويىنشا ءتيىستى شارالار قابىلدانادى. قازىر كەڭەس وتكىزەمىن. بۇل جاعدايدان مىندەتتى تۇردە ءتيىستى قورىتىندى شىعارامىز، - دەدى قاسىم- جومارت توقايەۆ.