قازاقستانداعى جول اپاتتارىنىڭ 12 پايىزى ءولىم-جىتىممەن اياقتالعان

استانا. قازاقپارات - بيىلعى قاڭتار-ءساۋىر ايلارىندا ەلىمىزدە 3,4 مىڭ جول-كولىك وقيعاسى تىركەلدى - بۇل وتكەن جىلمەن سالىستىرعاندا 11,3 پايىزعا از. ونىڭ ىشىندە 404 وقيعادا (نەمەسە 12,1 پايىز) ءولىم-ءجىتىم بولعان، دەپ حابارلايدى قازاقپارات Energyprom.kz سايتىنا سىلتەمە جاساپ.

2,9 مىڭ جول-كولىك وقيعاسى جۇرگىزۋشىلەردىڭ، 81 وقيعا - جاياۋ جۇرگىنشىلەردىڭ جانە جول قىزمەتتەرى مەن مەردىگەرلەردىڭ كىناسىنەن 1 وقيعا بولعان.

سونداي-اق، ەلدەگى بارلىق جول اپاتى اراسىندا 2,6 مىڭ وقيعا اشىق اۋا رايىندا، 177 جاعداي - بۇلتتى كۇندەرى، 128 جاعداي - قار جاۋعاندا، 72 — جاڭبىر كەزىندە، 25 — تۇمان كەزىندە تىركەلگەن.

وڭىرلىك بولىنىستە جول اپاتتارى كوبىنەسە الماتىدا تىركەلگەن: جىل باسىنان بەرى - 957 جاعداي، (جىلىنا -0,3 پايىز). انتيليدەرلەر ۇشتىگىنە الماتى (336 جاعداي، -49,5 پايىز) جانە جامبىل (305 جاعداي، -22,6 پايىز) وبلىستارى دا كىردى.

ەڭ از جول-كولىك وقيعاسى ۇلىتاۋ وبلىسىندا تىركەلگەن (جىل باسىنان بەرى 13 جاعداي). ودان كەيىن سولتۇستىك قازاقستان (64 جاعداي) جانە قاراعاندى (82 جاعداي) وبلىستارى تۇر.

بيىلعى قاڭتار-ءساۋىر ايلارىندا رەسپۋبليكا بويىنشا ەكى وبلىستا عانا جول-كولىك وقيعاسى سانى ارتقان: باتىس قازاقستان (19,7 پايىزعا، 85 جاعدايعا دەيىن) جانە پاۆلودار (1,6 پايىزعا، 129 جاعدايعا دەيىن) وبلىستارى. تاعى قوستاناي جانە سولتۇستىك قازاقستان وبلىستارىندا – ج ك و سانى وزگەرىسسىز قالعان.

سونداي-اق، بيىل قاڭتار-ءساۋىر ايلارىندا جول اپاتىنان 4,8 مىڭ ادام زارداپ شەككەن - بۇل وتكەن جىلمەن سالىستىرعاندا 14,8 پايىزعا از. جارالانعاندار سانى 15,6 پايىزعا - 4,3 مىڭ ادامعا دەيىن قىسقارعان، ولاردىڭ اراسىندا 2,4 مىڭ ەر ادام جانە 1,9 مىڭ ايەل بار. جاراقات العاندار اراسىندا كامەلەتكە تولماعان 799 بالا بولعان (16,6- پايىز). تاعى 2,2 مىڭ ادام اۋرۋحاناعا جاتقىزىلدى - بۇل وتكەن جىلمەن سالىستىرعاندا 10,4 پايىزعا از.

جىل باسىنان بەرى 522 ادام قازا تاپقان، بۇل وتكەن جىلمەن سالىستىرعاندا 7,3 پايىزعا از، ونىڭ ىشىندە 375 ەر ادام مەن 147 ايەل بار. قازا تاپقاندار اراسىندا كامەلەتكە تولماعان 52 بالا بولدى جانە بۇل ساناتتا ءبىر جىلدا بىردەن 23,8 پايىز ءوسىم بايقالعان.