اتالعان پارتيادا دين ليجەن قارسىلاسىنان باسىم ءتۇستى. شاحماتشىلاردىڭ كەزەكتى كەزدەسۋى جالپى سانى 38 جۇرىسپەن ءتامامدالدى.
وسىمەن يان نەپومنياشيي قىتايلىق شاحماتشىعا ءۇشىنشى رەت ەسە جىبەرىپ وتىر. دەگەنمەن جالپى ەسەپ تەڭ - 6:6.
الەم چەمپيونى اتاعى ءۇشىن تارتىستى باسەكەنىڭ 13-پارتياسى ەرتەڭ، ياعني 27- ساۋىردە وتەدى.
ەسكە سالايىق، بۇگىنگى، 12-پارتيانى الەمگە بەلگىلى ءانشى ديماش قۇدايبەرگەن سيمۆوليكالىق ءجۇرىس جاساپ، باستاپ بەرگەن ەدى.
ال 24- ساۋىردە وتكەن 11- ويىندى شاحماتشىلار تەڭ اياقتاعان بولاتىن.
رەگلامەنتكە سايكەس، الەم چەمپيونى اتاعى ءۇشىن ماتچ 14 پارتيادان تۇرادى. تەڭ ەسەپ تىركەلگەن جاعدايدا 4 پارتيادان تۇراتىن تاي-برەيك بەلگىلەنەدى. ەگەر تاي-برەيكتە دە جەڭىمپاز انىقتالماسا، وندا شاحماتشىلار بليتستە شەبەرلىك بايقاسادى. ودان ءارى «اقتىق پارتيا» بار.
بۇرىن حابارلاعانىمىزداي، 7- ءساۋىر مەن 1- مامىر ارالىعىندا استانادا شاحماتتان الەم چەمپيوناتى وتۋدە.