بۇگىن قازاقستاننىڭ 12 وڭىرىندە وقۋشىلار ساباقتى ۇيدەن وقيدى

استانا. قازاقپارات - 10-قاڭتار كۇنى استانا مەن بىرنەشە وڭىردە مەكتەپ وقۋشىلارى اۋا رايىنا بايلانىستى ونلاين وقۋعا كوشىرىلەدى، دەپ حابارلايدى قازاقپارات.

استانا قالاسىندا ءبىرىنشى اۋىسىمنىڭ 0-11 (12)-سىنىپ وقۋشىلارى، كوللەدجدەردىڭ 1 جانە 2-كۋرس ستۋدەنتتەرى قاشىقتان وقىتۋ فورماتىنا اۋىستىرىلادى.

اقتوبە وبلىسىندا 10-11-قاڭتاردا 0-11-سىنىپ وقۋشىلارى ونلاين وقيدى.

اباي وبلىسىنىڭ سەمەي قالاسىندا بەيسەنبى كۇنى ءبىرىنشى اۋىسىمداعى 1-11-سىنىپ وقۋشىلارى مەن كوللەدجدەردىڭ بارلىق كۋرس ستۋدەنتتەرى ءۇشىن ساباق قاشىقتان وتكىزىلەدى.

شىعىس قازاقستان وبلىسىنىڭ گلۋبوكوە اۋدانىندا 0-11-سىنىپتار، كۇرشىم اۋدانىندا 0-9-سىنىپتار، اقمولا وبلىسىنىڭ كوكشەتاۋ قالاسىندا جانە باتىس قازاقستان وبلىسىنىڭ ورال قالاسىندا ءبىرىنشى اۋىسىمداعى 1-11-سىنىپ وقۋشىلارى مەكتەپكە بارمايدى.

ۇلىتاۋ وبلىسىندا ءبىرىنشى اۋىسىمداعى 0-4-سىنىپتار، سونداي-اق قاراعاندى قالاسىندا 0-9-سىنىپ وقۋشىلارى ۇيدەن ءبىلىم الادى.

سولتۇستىك قازاقستان، قوستاناي، پاۆلودار جانە اتىراۋ وبلىستارىندا دا 0-11-سىنىپ وقۋشىلارى ساباققا بارمايدى.