1-قازاننان 1-قاراشاعا دەيىنگى ارالىقتا جامبىل وبلىسىنىڭ اۋماعىندا وزەكتى ماسەلەلەردى زەردەلەۋ، قۇقىق بۇزۋشىلىقتاردى ەسكەرتۋ جانە الدىن الۋ ماقساتىندا اكىمشىلىك ۋچاسكە تۇرعىندارىن بارىنشا قامتۋعا باعىتتالعان «ۋچاسكە» جەدەل الدىن الۋ ءىس- شاراسى وتكىزىلۋدە.
«جەدەل الدىن الۋ ءىس-شاراسى باستالعاننان بەرى پوليتسيا قىزمەتكەرلەرى 1137 ادامدى، ونىڭ ىشىندە قازاقستان رەسپۋبليكاسىندا تىركەۋسىز نەمەسە جەكە باسىن كۋالاندىراتىن قۇجاتتارسىز تۇرۋ ەرەجەلەرىن بۇزعانى ءۇشىن 12 ادامدى اكىمشىلىك جاۋاپكەرشىلىككە تارتتى. تەكسەرۋ جۇمىستارى بارىسىندا بەلگىلى ءبىر تۇرعىلىقتى جەرى جوق 4 ازامات تاراز قالاسى پوليتسيا باسقارماسىنىڭ ارنايى قابىلداۋ مەكەمەسىنە جىبەرىلدى. سونداي-اق، تەكسەرۋمەن 249 اتىس قارۋىنىڭ يەلەرى قامتىلدى، ناتيجەسىندە تىركەلمەگەن ەكى اتىس قارۋى انىقتالىپ، تاركىلەندى. سونىمەن قاتار، ىشكى ىستەر ورگاندارىنا ءتۇرلى قۇقىق بۇزۋشىلىقتار جاساعانى ءۇشىن 67 كامەلەتكە تولماعان جاس ءوسپىرىم جەتكىزىلدى، ونىڭ ىشىندە 3 جاس ءوسپىرىم ۋاقىتشا بەيىمدەۋ ورتالىعىنا ورنالاستىرىلدى»، - دەپ حابارلادى جامبىل وبلىسىنىڭ پ د جەرگىلىكتى پوليتسيا قىزمەتى باسقارماسىنىڭ باستىعى سەرىك الديبەكوۆ.
سونىمەن قاتار پوليتسەيلەر ساياجاي القاپتارىن، قاراۋسىز قالعان جانە قۇرىلىسى توقتاتىلعان عيماراتتاردى، سونداي-اق ءۇي شاتىرلارى جانە جەرتولە جايلارىن تەكسەرەدى. ءىس-شارالار باستالعاننان بەرى ۋچاسكەلىك پوليتسيا ينسپەكتورلارى بەكىتىلگەن اكىمشىلىك ۋچاسكەلەردە 6 مىڭنان استام پاتەردى جانە اۋلالاردى ارالاپ، تۇرعىندارمەن تانىسىپ، ۋچاسكەلىك ينسپەكتورلاردى تۇرعىنداردىڭ اۋلالىق چاتتارىنا قوسۋ ءۇشىن مىڭنان استام ۆيزيتكالار تاراتتى.
سونداي-اق، ەشبىر قۇجاتسىز جالعا بەرىلگەن 20 عا جۋىق پاتەر انىقتالدى. وسى دەرەك بويىنشا اقپارات جامبىل وبلىسى بويىنشا مەملەكەتتىك كىرىستەر دەپارتامەنتىنە جولداندى. جالعا بەرىلەتىن پاتەر يەلەرىمەن ءتۇسىندىرۋ جۇمىستارى جۇرگىزىلدى، بازارلار مەن باسقا دا ساۋدا ورىندارىن، قولايسىز وتباسىلاردى، قوعامعا جات ارەكەتتەر مەن قاراۋسىز قالۋ دەرەكتەرىنىڭ جولىن كەسۋ ءۇشىن جاستار مەن كامەلەتكە تولماعانداردىڭ شوعىرلانۋ ورىندارىن، سونداي-اق ازاماتتىق قارۋ يەلەرى مەن شەتەلدىك ازاماتتاردى تەكسەرۋ جۇمىستارى جۇزەگە اسىرىلدى.