«ءبىز مولشەرلەمەنى % 50- عا تومەندەتتىك، ءو ك م (وندىرۋشىلەردىڭ كەڭەيتىلگەن مىندەتتەمەلەرى) قاراجاتى ءتۇسىپ تۇرادى. بۇل اقشا ەكولوگيالىق ءىس- شارالارعا دا، وسىنداي باعدارلامالارعا دا جۇمسالادى. مەن قازىر ايتقان باعدارلامالار ەكولوگيانى جاقسارتادى. ءبىز بيزنەس پەن ازاماتتارىمىزعا اۆتوكولىكتى جاڭارتۋعا دا، ەكولوگيانى جاقسارتۋعا دا كومەكتەسەمىز»، - دەدى رومان سكليار ۇكىمەت كۋلۋارىندا تىلشىلەرگە بەرگەن سۇحباتىندا.
ۆيتسە- پرەمەر جەڭىلدىكپەن اۆتونەسيەلەندىرۋدى قوسىمشا قارجىلاندىرۋ مۇمكىندىگى بولسا، مىندەتتى تۇردە پايدالاناتىنىن ايتتى.
«باعدارلاما حالىق اراسىندا وتە تانىمال. جەڭىلدەتىلگەن اۆتونەسيەلەۋگە 100 ميلليارد تەڭگە بولىنگەن، باعدارلامانى 12 مىڭنان استام تۇرعىن پايدالاندى. ا ۆتونەسيەلەۋ بويىنشا وتىنىشتەر كوپتەپ تۇسۋدە، ءبىز بۇل سومانى ۇلعايتۋ مۇمكىندىگىن تابۋعا تىرىسامىز «، - دەدى رومان سكليار.
ونىڭ ايتۋىنشا، «ءو ك م وپەراتورى» ج ش س بۇعاتتالعان 220 ميلليارد تەڭگەنىڭ 100 ميلليارد تەڭگەسى جەڭىلدەتىلگەن اۆتونەسيەلەۋگە بولىنگەن.
«30 ميلليارد تەڭگە - اۋىل شارۋاشىلىعى وندىرۋشىلەرىن جەڭىلدىكپەن نەسيەلەۋگە باعىتتالعان. ولار كومباينداردى، تراكتورلاردى جىلدىق % 6- بەن باستاپقى جارناسىز ساتىپ الا الادى. بۇل تاجىريبەنى جالعاستىرۋ قاجەت دەپ ەسەپتەيمىن»، - دەپ اتاپ ءوتتى پرەمەر- ءمينيستردىڭ ورىنباسارى.
ەسكە سالا كەتەيىك، اۆتوكولىكتەردى جەڭىلدەتىلگەن نەسيەمەن بەرۋ باعدارلاماسىنا تاعى 10 ميلليارد تەڭگە ءبولىندى. يندۋستريا جانە ينفراقۇرىلىمدىق دامۋ مينيسترلىگىنە قاراستى ونەركاسىپتى دامىتۋ قورىنىڭ دەرەگىنشە، 4 پايىزبەن بەرىلەتىن اۆتونەسيە باعدارلاماسىنا قاتىسۋشى «ەۋرازيالىق بانككە» - 35 ميلليارد، «بانك سەنتر كرەديتكە» - 27,5 ميلليارد، «حالىق بانككە» - 22,5 ميلليارد جانە «Forte Bank» - كە 15 ميلليارد تەڭگە بولىنگەن.
اۆتور
ايجان سەرىكجان قىزى