قازاقستاندىق 12 بوكسشى جارتىلاي فينالعا شىقتى
22:43, 01 - ءساۋىر 2022
نۇر-سۇلتان. قازاقپارات - قازاقستان بوكسشىلارى سەربيادا ءوتىپ جاتقان Beogradski Pobednik حالىقارالىق تۋرنيرىندە 12 جۇلدە جەڭىپ الدى، دەپ حابارلايدى Vesti.kz.
الەم چەمپيونى تەمىرتاس ءجۇسىپوۆ جارتىلاي فينالعا جەكپە-جەكسىز ءوتتى، ويتكەنى قازاق بوكسشىنىڭ قارسىلاسى ايقاسۋدان باس تارتتى.
ەكى بوكسشى نوكاۋتپەن جەڭىسكە جەتتى. مۇحامەد سابىر بازارباي ۇلى (63,5) ۋەلس وكىلى رومەو كوستادان تەحنيكالىق نوكاۋتپەن باسىم ءتۇستى، ال نۇرجان امانكەلدى (71) كۋبالىق انتونيو بيسسەتتى بەرىلۋگە ءماجبۇر ەتتى.
سونىمەن قوسا، قۋانىش دۇيسەنباي (51)، ولجاس باينيازوۆ (54)، داۋلەت مولداشيەۆ (54)، ورازبەك اسىلقۇلوۆ (57)، ءساماتالى تولتايەۆ (60)، داۋلەت نىسان (67)، ارمات ارمان ۇلى (71)، يليار اشيروۆ (75) جانە ءمادي ءامىروۆ (86).
ايتا كەتەيىك، بۇگىن جارتىلاي فينال ايقاستارى وتەدى، ال فينال ەكى كۇنگە بولىنگەن - 2- جانە 3- ءساۋىر.