ونىڭ اتاپ وتۋىنشە، 2021 -جىلعى 10- ناۋرىزدا «قازگيدرومەت» ر م ك دەرەكتەرى بويىنشا 7 وڭىردە، اتاپ ايتقاندا، اقمولا، اقتوبە، ب ق و، قاراعاندى، قوستاناي، پاۆلودار جانە سولتۇستىك قازاقستان وبلىستارىندا داۋىلدى ەسكەرتۋ جاريالاندى.
«قازىرگى ۋاقىتتا اۋا رايىنىڭ ناشارلاۋىنا بايلانىستى (بوران، قار، ناشار كورىنۋ، كوكتايعاق) 6 وڭىردە رەسپۋبليكالىق ماڭىزى بار اۆتوجولداردىڭ 12 ۋچاسكەسى جانە 51 وبلىستىق ماڭىزى بار ۋچاسكە جابىلدى. ولار: اقمولا، سولتۇستىك قازاقستان، قوستاناي، اقتوبە، شىعىس قازاقستان، باتىس قازاقستان وبلىستارى»، - دەدى تالعات ءۋالي.
مينيسترلىك مالىمەتىنشە، باتىس قازاقستان وبلىسىنداعى بەككەتتەردە 253 جۇك جانە جەڭىل اۆتوكولىك تۇر. شۇعىل جۇمىستارعا ت ج م، ءى ءى م، جول قىزمەتتەرىنەن، جەرگىلىكتى اتقارۋشى ورگانداردان بارلىعى 423 ادام جانە 301 تەحنيكا جۇمىلدىرىلعان.
حالىقتى ەسكەرتۋ ماقساتىندا اۋا رايىنىڭ ناشارلاۋى تۋرالى 15 س م س- حابارلامانى تاراتىلىپ، «دارمەن» موبيلدىك قوسىمشاسى ارقىلى 17 حابارلاما جىبەرىلگەن. ۋاقىتىلى اقپاراتتىق- پسيحولوگيالىق كومەك كورسەتۋ ءۇشىن وڭىرلەردە «جەدەل بايلانىس جەلىسى» جۇمىس ىستەيدى.